游戲

最近上載一款游戲，日日玩時時玩，有點沉迷。
游戲可以打發時間，又可以忘記煩惱。
生活太悶太煩瑣，要找點樂趣！

春季假期

不經不覺春季假期放完了，下星期一又開學。這個假期皮膚過敏全身出紅點，睇醫生嘛又睇唔到，現在這些家庭醫生好高級次次搵個助理(assistent) 應付我，問下病況，佢再找醫生寫紙叫我去取藥，我一肚火，醫生不見病人，咩道理。我遲早換左佢。

自我安慰／感恩

因星期二星期三太忙又腳痛，有點怨氣。星期四一早起來發覺外面雨雪紛紛，我覺得自己好好彩，因為已經忙完，就不用在惡劣的天氣下奔波。閒在家中看電視，食零食，太正了！

忙忙碌碌

這兩天忙過不停，跑狗大賽，做牛做馬做狗，跑來跑去。我都唔明點解我咁忙，難道是甚麼好日子嗎！過個個預約都聚埋一堆。

星期二，一早帶女去做耳仔檢查，之後趕住送佢上學，因為約左個義工幫我補習。下午阿女在學校表演畫劇，我又要去睇，順便幫佢地影相，之後又趕住歸家，放低佢地，我又回校見家長，聽老師訓話，叫阿女努力讀書。心諗：你是阿女班主任，你叫阿女讀，你教阿女讀，同我講有屁用咩！接住煮飯食飯。晚上又是我學游水的時候，背式學極都唔識，回家後向大女訴苦，大女講笑，食飽左浮唔起。

星期三，上午我上學去，中午放學後又趕住接女，帶女去醫院打針。中午飯在醫院食，買得少阿女食埋我份，餓死我。之後又帶女參加課外活動，家長回家，我歸家煮晚飯，再去接女。

這兩天跑到腳軟，上樓梯都無力！

睇報告

不知不覺又到左睇報告的日子，之前照左個胃，醫生話胃內面發炎，叫我食胃藥。下個月睇下有無好轉，再約時間見見她，可能會再照多次胃鏡，下！好驚呀！上次都未驚完，又來多次？！

醫生話膽內有幾粒小肉粒，未夠大，等多一年先，再照X光，如果發大就要切除。唉！又要推住先。

不過，知道是小毛病，個心都定下來。

過年

農曆新年剛好是星期六，一於帶女去唐人街走走，順便飲茶，感受下過年的氣紛。相信她們難以想像中國人怎樣過年，我也只是懷念吧！星期六人多，連飲茶等位都要成粒鐘，有點後悔，不該湊熱鬧。

星期日又帶女去游水，暖水池嘛無所謂囉，點知人山人海，泳池又無開放全部更衣室，換衣不方便。

我始終喜歡人少的地方，最怕一大堆人逼埋一起。

不過，過年嘛，有活動好過無所事事閒在家中！

Udenhout

今日帶女去udenhout，這個城市我都是第一次去，因為阿女參加左課外活動學做陶泥花盆（pottendraaien）。
因為未去過，想找人幫手車她們去，可是找不到。只好自己親自出馬，帶女坐巴士去。現代科技有google地圖有巴士路線圖，方便許多。
阿女上課，我人生路不熟，外面又冷，只好朵在圖書館溫書。
嘻，我年少時都無現在更勤力！

這些陶泥是我在家做的，未知阿女上堂學的，手工如何？

零下五度

之前下了一埸雪，現在溶雪期，天氣好凍，今日零下五度。
昨天晚上我踩著單車去學游水，路過橋底我都不敢踩進去，怕又濕又滑，只好踩遠一點。學游水是我的心願，風雨不改。今次學多一些動作，仍在努力中，發現越怕水發難浮起。
今日一早又踩著單車去依利沙伯醫院，踩左半個鐘，腳部不冷，但帶著手套手指依然好冷又痛。今次是照胃鏡，我有點緊張，護士姐姐講笑：我們有四個人，你走不得，上床吧！之後醫生進來，我一見到條喉管，心都震，張大個口無眼睇。
兩個星期之後回去睇報告。

新計劃

二月頭又要交下學期學費，正在思想著仍要讀嗎? 我已經讀左五年，讀到悶讀到無樂趣可言！停學後會失憶，繼續嘛又無衝勁，思前想後決定三月報名考公開試，共四科，考到不用再讀書，考唔到就放棄，如果考中二三科，就只讀考唔到的科目。三月報名六月開考，仍有五個月時間。好，就按這計劃吧！

大姐三姐

大姐升高中，搵左幾間學校都未滿意，遠又怕佢辛苦，近又無佢喜歡的課目，左思右想最後都是原校直升。初中四年，高中三年，佢要對住這間學校七年。

三姐升中一，又要幫佢搵學校。佢之前校內成績差，我幫佢搵補習，佢又唔想補，我又覺得貴，差點放棄，後來佢有同學一起去，佢又願意補。今日老師和我商談邊間中學適合她，一見佢張成績表都無話可說，只想說血本無歸，老師提議去工業學院，我只好答應。心想去大姐讀書這間吧，有大姐睇住，我都放心！

大姐蠢但勤學，三姐叻但人懶，個個都是美中不足，但個個都是自己親生，我個個都疼，疼愛加疼痛再加心痛！

過冬的日子

假期最後二日突然下雪，阿女高高興興出門玩雪拋雪球，我就有點擔心怕地滑，因為溶雪時地滑我已經跌過許多次！

外面凍，留在家中最好，廚房是最溫暖的地方，我又開火喇！

蒸年糕

湯圓

西式炸煎堆

炸雞翅

這個冬天想減肥都難！

胃痛

這些年一直有胃痛，自己又懶得食藥，痛時就休息一會，不痛時就不理會。今次有機會睇胃科醫生，就順便問問佢，佢話照胃鏡咪知囉。約左兩個星期後照，四個星期後睇報告，慢性病俾醫院慢慢拖！

游水

阿女放聖誕新年假共兩個星期，今日帶女去游水，我順便練習，又叫阿女教我。哈哈，我學識背泳浮水和踩水，又學識停頓，這是今日最大的收獲!

Happy new year

元旦日零晨十二點，我們又燒煙花，其實年年都一樣，一方面應景，一方面攪氣紛，但最終目的就是要阿女開心。細的三個玩了一個晚上，似乎最開心是她們！