總網頁瀏覽量

2016年11月30日 星期三

一日三轉

今朝一早幫老師帶鴨仔去博物館,因為孖女有份去,可以的話都無所謂。這間博物館(natuur museum)我都係第一次去,睇吓野,影吓相,本來Ok啦,可惜小朋友太嘈。






下午我獨自去醫院睇病,約左三點半,要早十五分到,方便量血壓磅重,點知到四點三才叫我入去,入到去醫生連接三個電話,我都無曬表情。佢寫紙叫我再驗血,又要我約時間照胃,等報告出來再去見佢。我快快脆走去驗血,否則一到五點鐘就收工,好彩我喺最後一個,回家已經是六點,我們食pizza送粥,中西合壁,全靠大女幫手湊妹。


晚上六點半,學游水時間到了又趕住出門,今次學腳部動作,唉!都未識浮,又點會郁。回家後上網,才知自己未做功課,明天無功課交。

2016年11月26日 星期六

學游水

十一月廿二日星期二,我上左第一堂游泳班,有點興奮,有點緊張。第一堂就叫我地學浮,老師話放鬆身體,自然浮起,我飲左好多水,都未浮得起。我時時刻刻都同自己講,阿女都學得識,我也可以,目標係暑假就可以齊齊玩水。不過現在是冬天嘛,上水這刻好凍,沖身時先出凍水再出暖水,我都怕自己會病。希望唔好落雪,因為我係踩單車去的,怕溶雪時地滑跌親。一月報名,十一月才輪到我,真係誇張。想避開冬天學游水,點知就係撞到正!