聖誔假

開始放聖誕節，女兒的學校食聖誕大餐，個個女都是同一日，得我一人在家食隔夜飯。明天起放假喇，阿女問我安排咩節目俾佢地。無喎，我只想安在家中，輕輕鬆鬆渡日。一來無咩地方想去，二來又想透吓，三來又要做功課嘛，四呢就是執屋！女呀女，阿媽唔想倍你們，又唔想帶你們出街，放過我吧！不過放兩個星期更多，只好選兩三天帶你們出街走走！今年冬天徘徊十度八度之間，應該無白色聖誕。

Verdwijnen

今個學期，讀書人數越來越少，我們這班得返八個。老師話下學期開始上午班無左，我們可以轉去下午班或者晚班。多出來的老師和班房留給新來的難民讀書用。唉，對於我來說，上午班是最適合，下午要湊女，晚上要煮飯嘛。如果要返上午班，一就是讀高一班，二就是讀低一班。讀低一班等於重讀，讀高班就追餐C呀！我仍在考慮中？？？！！！

Fysisotherapie

最近常常腰骨痛，走左去做物理治療（fysisotherapie），今次這間好過去年的。起碼可以瞓按摩床，按足廿分鐘。有無好轉？未知呀！只是剛剛開始，未知結果，睇天氣，睇天意吧！好在保險公司年年都有金額去保，如果醫好條腰就好囉，下年可以醫埋對手。年紀大，周身病痛。

放成績表

十二月，個個女成績一搬，又係見家長的時候。個個老師都叫阿女讀書，睇多書，對她們成績有幫助，可惜，她們有自己的性格，有自己的興趣，逼唔來。可能我自己都不是讀書人，又如何期望她們呢！

氣頂

俾老二激到死死下，佢之前手機俾人偷左，我部手機壞左，佢叫我買兩部，一人一部，終於買左俾佢。但佢無乖乖聽話又彩我都傻，氣頂。

衰多口

之前因為讀書讀到無咩進步，有點抱怨，對朋友說唔想再讀。朋友馬上幫我搵社區中心，叫我去學編織，去學烹飪，去聽講坐。我只好去試，點知報左名，就要去學。現在一三上學，二就補習，四就去烹飪班，六就帶女學游水，得五和日得閒。唉!讀書好重要，知識改變命運嘛，一定要讀!

秋季假期

放假第一天，就帶女去efteling，當然這個樂場比較近，所以去的次數多，失了新鮮感。不過玩了一天，累了一天。第二天出城，去了Eindhoven，行街購物，阿大阿二買了衣服，細的買了糖果，我呢，買了雪梨還有去了中國雜貨店買雜貨。第三天留在家中休息。第四天又帶女出城，今次係Rotterdam，飲茶，購物。第五天安在家中。第六天有街市，又帶女出去走走。第七天，功課天，要做功課。這個假期就完結了!

笨蛋

上星期老師話小考，叫她們讀書，星期日這天我就叫阿女讀書，星期一又叫阿女讀書，但考試時她們竟然咩都唔識，我當時在場，真係好激氣!!老師話回家再讀過，唉，好彩係logopedie老師，不計分。 如果係校內試，真係唔知點算好!

disco

老二昨天晚上去左disco，玩到零晨一點鐘。回家後她竟然叫我開門，唉!!如果我睡了，又有何人開門給她，我問她為何無帶鎖匙，她說忘記了。這晚我是在等她嗎?也許是的，否則我睡了。可惜女兒不明白媽媽的心意，女呀女，你何時才長大!

好興奮

星期下午帶埋阿女又去執栗子，嘩…今次有很多很多，我懷着興奮的心情執呀執呀，執左三大袋回家。回家後又洗又煲，之後又開始做飯，忙了幾個鐘，晚上開始腳痛。連上落樓梯都痛呀!!

入秋

開始落葉，入秋了，我帶着三個細女去執栗子，阿女今次好醒目穿上皮鞋，帶埋支棒。不過執得好少，下次再去過。

治安差

最近唔見左陪單車，今日又見到有人可能係係超市偷單車，但人人都見到，但無人出聲，現在阿二陪手機係超市失了!!!報警都無用，經濟差，治安更差。

新單車

走左幾天路，終於又買左部親單車，買個單車藍，買個單車購物袋，加加埋埋又唔見左一些錢。 有人叫我買部二手單車，但我不想!!

警察局

星期二這晚去警察局，上報我的單車俾人地偷左，不過警察都話好難搵得返，叫我買過另一部。希望佢的新主人會好好對待我部單車，用左兩年點都有點感情，好唔捨得。我有點幻想希望這小偷用完會還俾我，這幾天我天天望住窗口希望我的單車會回來!可惜未見終影。下雨了，你的新主人有把你放入室內嗎?!

單車不見了

昨天下接完阿女放學回家之後，忘了鎖單車，不到兩小時，放在家門前的單車就不見了，我馬上叫阿女在家附近找找，可惜找不到。就這像，我的單車被盜了!

無wifi

作日開始無wifi，無得上網，搵左兩日，終於搵到原因，係插電制壞左，我又更換了。現在又可以用!

八月份在香港的日子

八月一日，去睇皮膚，終於醫好對腳。晚上約左阿勤一齊食飯，跟住上阿芬度，哈哈足足三十年朋友，好懷念一起讀書的日子。 八月二日，去老表家BBQ，好開心的聚會。八月三日，約左阿芬阿勤飲茶，跟住帶我去配眼鏡，眼鏡都係阿勤比錢，話送比我，聚少離多都可以做好朋友，難得呀! 八月四日，全家去迪士尼玩足一天。 八月五日，去在利娟家食飯，少聚。 八月六日，珠海夢幻水城。 八月七日，長隆海洋王國，長隆國際馬戲團睇表演。 八月八日，中山長江美人魚浪漫水城。 八月九日，東莞四季果園。 八月十日，東莞酒店游水後回鄉。八月十一日，拜山。 八月十二日，探親，之後去溜冰。 八月十三日，和親人食飯，游水，購物。八月十四日和八月十五日，深圳青青世界。 八月十六日，深圳兒童王國。 八月十七日，深圳歡樂園。 八月十八日，香港和朋友阿May食晚飯。 八月十九日，帶阿二去脫墨，又帶阿大阿三去打耳孔，因為她們想扮靚靚囉! 八月廿日，老媽子生日，全家去流浮山食海鮮。 八月廿一日，姑仔到，一起飲茶，之後收拾行里。 八月廿二日，回荷蘭。

好勇

晚上發夢有唔識的人走入我屋企，我拿起把刀，叫人走，這些人走左又回來，我拿起一枝棒，見人就打，打到自己成個人醒左，才知係發夢! 哈哈，原來自己好勇。不過事後想想，在現實中我有這麽勇嗎?!這個夢真奇怪。

七月份在香港的日子

七月廿七日，收拾行李，坐上的士，輕輕鬆鬆踏上回港之路，在飛機上用過餐，睡下醒下終於回了香港。 七月廿八日落機了，一見我老豆，我飛樸上前熊抱他，好親切啊! 七月廿九日，帶埋阿女去中旅辦手續回中國，細佬話執左團，返中國旅游。 七月三十日，我帶左阿回去睇醫生，我想知阿女隻耳仔，發生咩事，有無得醫，係咪一定要帶助聽器耳機? 醫生長細解釋俾我知，阿女係全導管失聰，所以聽力差，應該係成長過程中停止左生長，形成弱聽，要長細知發生咩事，要等阿女大個之後，再做檢查才知，因如果耳仔scan，會有負作用，阿女太細唔可以做。 我只好C左條心，俾佢繼續帶耳機。 七月三十一日，全家去左海洋公園玩足一天。老豆老媽子，大細佬一家，細細佬一家，還有我們一家，浩浩盪盪一齊玩。

倒數

還有兩日就返香港，父母期待我們回去，兄弟安排好節目，女兒高高興興在等待，我呢!不慌不忙，只是買了一一點點糖果，東西仍未收拾。好似遊雲中!!

Kermis

今日帶女去Kermis，佢地玩得好開心，當然這個年齡係喜歡玩。我散左少少錢，也是心甘情願。

放暑假

終於開始放暑假，好忙碌的一個學期! 忙完了可以停一停。 公司開始特價，早兩天帶女去買平貨。下星期帶女返香港，希望有個愉快的假期。

成績表

成績一搬，六個都不是讀書材料，升到班便算了。其中老二好點，老五差點。但因老四要定期做測試，所以話佢無咩進步，但佢和老五做比較，我又覺得佢唔差，老四乘數表好過老五。老四攞到游水證書B(zwemdiploma B), 又高老五一級。我呢! 死讀爛讀，靠一個信諗，十年學十樣東西，倒不如十年學一樣東西。

暑假前夕

剛剛忙完考試，現在等放成績，我等自己這份，又等阿女這份，心情有點緊張!下星期又見家長，到時就知阿女在學校的表現如何。

尾聲 Loom

早兩年潮流起Loom band maken, 個個都追住去學，我幾條女都識，二女玩到上癮，大女就一搬呢，細的三個識少少。最近，各間公司都開始清貨，我見到好平，又買些回家俾靚女暑假時玩，阿女忍唔住話要教我，終於我又學埋一份。相信過了這個暑假，無人再玩!

媽媽的煩惱

又怕女兒養唔大，又怕女兒學壞! 老二又做錯事，今次係大錯特錯。我無發脾氣無打佢，只好同佢講道理，叫佢受罰，罰佢放左學之後馬上回家，不得出街玩，直到放暑假。現代小朋友打不得罵不得，唔識教!

小秘密

放左兩星期大假，日日都夜睡，我覺得晚上十二點睡已經好遲。估不到老二到零晨五點才睡，我叫她早點睡，可惜佢唔聽話，我只好把插頭拔出，等佢無得上網玩手機，可以安心去睡。可惜佢偷偷地插返，玩通宵。

飲茶

今日帶女去飲茶，老二話佢飲完茶買完雜貨就走，無得玩唔去。就這樣得返五個人去，佢現在好少陪我們一起，好似佢有佢世界，真的大了嗎!?也許幾年後，就得返我一人。

DippieDoe

今日帶女去玩，坐巴士坐火車再坐巴士再走路廿分鐘，終於到了DippieDoe.嘻嘻這裏比以前擴大左，佢地玩得好開心，大女抱怨適合小朋友，她可以玩的很小，我回應佢，無野適合我玩，只是負責比錢。阿四阿五想玩海渡船，但唔夠高度要家長陪同，我逼於無奈座上去，嚇死我，落船之後我想嘔冷寒都出埋，阿女話再玩過，我走人彩佢地都傻。之後我都覺得自己唔舒服。遊樂場就快關門，我順便問吓如何走去坐巴士，剛有人聽到，佢話可以車我地去巴士站，驚驚地都上左佢車，落車後才鬆一口氣，大女話好驚呀，我話洗咩驚，我地有六個人，佢得一個，我地有三部手機可以報警。我們又坐巴士去火車站，心思思不如去中國雜貨店買雜貨，又去麥記食飽飽才坐火車坐巴士歸家。事後想想都驚，如果這人有刀有槍，我地六個都好危險，嘻嘻!

失憶

每年五月份，火車公司都有買一送一火車票服務，我竟然忘記左，係四月份時就買定特價火車票，蠢左。荷蘭王生日這天，有擺街，我又忘記左，好在阿女提我，我們又可以出去睇睇。今年失憶現象又嚴重左!

Mei vakantie

靚女開始放兩個星期大假，我當然想在家偷懶，可惜阿女唔想，換言之，又要帶女出街又要洗錢!日日慳住洗，但都係無剩，好想豪一次，不過又豪唔起。算啦!日日無穿無爛已經好好。

失眠

至從收到這份報告之後，當晚就失眠，擔心囉。今日拿拿林找人幫手翻譯，其實都和我睇到的差不多，只是擔心過度，想多了。蠢蠢地我都接受到，但希望佢千其唔好傻傻地!

未完未了

之前帶阿四又去做聽力測驗，今日報告出左，嚇親我!佢成績不合格，中心提議佢去讀特別學校又要我去見學校社工。佢已經配帶左助聽器，已經聽得比以前清楚，但成績無好轉。這份報告我一份，學校一份，現在等學校安排，我就一定唔同意。

一點感觸

有人幫我，有人罵我，分別太大!受人恩惠又怕自己還不起，受人欺負又心有不甘，帶動了一點點情緒。只願好人有好報!

送機

老表在我這裏住左一個星期，我係忙左一點，但都不成問題，佢有幫我湊女，有幫手煮飯。而我亦帶了她去efteling玩左一日。佢買左些毛公仔給她們，大家都玩得好開心。今日阿女話齊齊送她去機場，我覺得車費太貴，而且又要早起，所以我不應成，我只好自己送她。見到她入左閘，我走了。一個人回家，有點寂寞，有點不捨得她!

火車一日遊

一早出門去接機，唔點Breda無火車去Schiphol，我只好去Rotterdam轉火車。點知老表班機遲左到，我係機場等個兩個鐘，又心急又徬徨，見到她心才定下來。無車好唔方便!

老表到訪

收到訊息，表妹到訪，我當然拾屋啦，又要想下有咩節目呢?!

遊魂?

今日上堂時，老師話我遊魂，其實我沒有，只是我已經學過，所以無理會佢。

阿媽教女

今日教女，早上起床見到阿媽要講早晨，放學回家見到阿媽要叫媽媽，在街見到鄰居要講Hello。我教就教左，唔知佢地聽唔聽我話，總之我做左阿媽本份。

老四攞游水證書

一年零二個月，老四終於考到游水證書zwemdiploma.A。

老二選中學

今日帶二女去中學報名，老師話等四月放榜，就知學校收唔收佢。這所學校係Noord，阿女踩單車十分鐘八分鐘就到，都好方便。其實老二係懶左少少，成績唔差，之所以選這學校係因為近，其他學校也不錯，所以我不擔心。

新一年

2014終於過去，希望新的一年有好的開始。農歷年一家六口輪住來病，感冒傳染力好勁，好再現在個個都好了，繼續過我們忙忙碌碌的日子。女兒返學放學，參加課外活動，又去logopedien，又去學游水。我呢，繼續返學讀書，繼續湊女，繼續做煮飯婆，只希望女兒少點病痛，我可以支持多幾年。今年最大願望係個個身體健康，開開心心過日子。