Kermis機動遊戲

連續十日Kermis，我都帶左阿女三次去玩，洗費都好貴，但暑假嘛，當然要帶女去玩啦。老二最近常常激親我，佢竟然學人拍拖，得十二歲人仔，又開始反叛期，我又激氣又擔心，佢又唔受教，煩呀!我今日帶女去玩，當然樣樣都要分享，因為全部都係我比錢，她們個個都係我生，當然分五份喇，老二不滿，我更加不滿，火都來!!

執屋

放暑假就係執屋的時間到了，星期一執廚房，地面換左新的膠地板，其實用木地板或者地磗好點，可惜我不會做，無車亦買不到，都係用住膠的。星期三執士多房，嘩，好大塵，好多工具，無樣識用，放係度舖塵，掉左佢又可惜，只好清潔完之後，放回原位。不過大件的都掉左兩箱，同埋d舊單車一齊掉。其實都好麻煩，叫人幫手車去大垃圾房，都叫左三個星期都無人理，最後都係換義工幫手車去掉。鬼佬鬼婆好過所為自己人，現實嘛。

學期尾

學期尾，成績出左，她們個個都升班，只是成績麻麻地，包括我都係，今次真可以說，有其母必有其女，似晒我，讀書唔得。今個暑期無節目，日日留在家，有得我受。唔明佢地痴實我，不願自己出街玩，要亞媽帶住，亞媽陪住，我無氣無力陪佢地，真係老喇。

vraagteken

又到阿四，今日帶女去醫院，因為上次幫佢做左耳仔X光掃描，今次睇報告，醫生話佢無跌傷跡像，應該唔關因受傷而影響聽覺，佢話:vraagteken，得個問號，唔知點解。再約時間已經係下一年的事，不用再出出入入醫院。

這三年半，我帶佢去過GGD, ziekenhuis, huisarts ,ziekenhuis, audoilogie en ziekenhuis，走來走去忙足三年半，都無辨法幫到佢，只好由得佢帶助聽器。

接住要做的工作，就係釘助聽器，再約返audiologie，睇下這個助聽器是否真的幫到佢。