單車舖

太陽出來了，我們也出來了。今日帶女去單車舖，因為下星期開學，要把單車維修好。阿二那部單車要整高少少，阿三這部單車遺失了鎖匙，自己打唔開，所以攞去剪開佢。阿回這部單車細左少少，隨口問句可唔可以係度買個一部，細的這部賣俾佢，佢話可以，就是這樣，我在這裏買入左部二手的，賣出左部細的。€65-€15=€50成交。其間我和大女講笑，這裏有個十五六歲的少年，我話俾阿女知，如果要選男朋友仔，這類可以，因為佢懂維修，有一技之長，唔似其他少年，只懂上網只懂用名貴東西。大女即立同我講，請用中文講，費事俾人聽到唔好意思，佢話要讀完書才找男朋友，有了這句話我放心了!她很懂事。

時雨時晴

這幾天有時下雨有時晴天，每當我出門時就會下雨，個當我在外之時，就會下雨，阿女話:個天欺負你阿!我話:我似植物嘛，淋完雨就會成長。唉，有點自欺欺人，有點阿Q精神，但好過自怨自艾。

efteling

第五個星期，有一日去左efteling，玩左一日又行左一日，近近地方便嘛!又有一日去左speelparadijs三個細的玩左半日，我就坐左半日，佢地負責玩，我負責睇住佢地，我坐係度做功課，暑期作業日日做，但都未做完，其實老師無要求要交功課，但我想盡力做，學得幾多得幾多，阿女同我講:暑假係唔洗讀書的日子，休息去玩，輕輕鬆鬆放大假，佢就輕鬆得過，我叫唔到佢讀書，佢亦叫唔到我停止做功課，只好佢有佢去玩，我做我的功課，有時停下來，去睇睇佢地。

動物園

瞻粗粗上網搵資料，帶女去動物園玩，大女話去eindhoven這個公園，佢話未去過，但又想出埠玩，咁我咪成全佢囉。但未去過，又唔知點去，咪去google睇地圖，睇埋公車路線，諗住試試吧!就係咁，就係網上訂左入場券，一於去啦。我都知自己係盲炳，一定要邊行邊問路，私機大佬提左叫我落車自己行去，點知行左四十五分鐘才到，好在這個動物園有動物睇，又有遊樂場玩，佢地都好滿意。回程時，我話不如行過另一條路，睇下係咪快D。點知越行越遠，又迷路，方圓百里都無人，連問路的機會都無，不知不覺行左一個鐘頭零十五分鐘，行左去另一小鎮，終放見到人問到人，如何坐火車回家。回家後阿女話以後都唔去這個地方，這天太累了!我有諗過，如果老公係度，我們有車坐就好了，但如果有車坐就會失去，這次新奇好玩的經歷。

飲茶記

放假第一星期係執屋，第二星期係去kermis(大型機動遊戲場)，第三星期去左唐人街飲茶，又係太湖居，又係食返以前食過的食品，好味嘛，連阿女都喜歡食。其間有人常常望住我地，嘻嘻，一個女人帶住五條女，叫到成枱都係餸，大叫一餐，當然引人注意啦!大女話有點不好意思，我話佢知，望咪由得佢望囉，你又不是醜女，怕咩。其實我心知肚明，我有五條女，係中國人的社會內，當然會俾人望俾人講，不過今時今日的我，不怕別人的目光，我湊得大五條女係我本事，她們大了，我有五條女，人地無，我怕甚麽。