總網頁瀏覽量

2013年10月31日 星期四

新感受

至從中期試成績出左之後,感覺和同學之間的距離拉近了,以前我好少發表個人意見,現在多左。 也許係多左一點點自信,不在笨口結舌,講咩人地都唔明。其實當自己講咩人地都唔明的話,我心裏都好難受。有口難言,有時會比人地誤解,有時會比人釆笑,甚至會引起誤會。現在有了一點點自信,開心左好多。

2013年10月29日 星期二

打風落雨的日子

今日打風落雨,廿年來最勁的一次。我做左殘花敗柳,任由風吹雨打。放學時風力太勁,踩單車都吹返頭,踩到無氣。下午接女時,落左一陣大雨,亞女第一見到我,就話:媽媽你好大汗喎。我話:剛才落雨呀,點會係汗呀!佢話: 講笑啫,哈哈。真係對住佢都唔知好嬲定好笑。連大女回家時都說自已被吹斜左。其實政府係咪要學下香港,打風不用上學呢!

2013年10月25日 星期五

鬆一口氣

最近無人打擾我們,日子過得好輕鬆,好舒適,我要好好享受這靈靜的時刻。

2013年10月20日 星期日

維修工人

這星期靚女放秋季大假,剛是落雨天,真係邊到都唔想去。好在她們喜歡上網和睇電視,所以日子都好易過。不過我都有帶她們出埠去飲茶,又帶她們去拜山,又帶過她們去圖書館,還有麥記,都算對得佢地住。 餘下的日子就是留在家中做工課睇書和維修,因為佢地破壞力好勁,我要做埋維修工人,衣櫃門都甩出來,我要裝好佢,大女連個單車袋都用破,我又要幫佢聯線,亞二又話部單車太矮,我又要整高佢。還有個櫃桶,我都唔知點整,要諗諗先。咩都我做晒,都唔知佢地幾時會大,可以幫到手。

2013年10月14日 星期一

分甘同味

今日一把火燒晒我的信, 燒完之後, 好似聽到你說: 忍吓呢, 我知你辛苦.
是你真的對我說話嗎...也許是我把你平日的說話, 從心底深處自己說了出來.

分擔...分享...分甘同味.,
不論甜與酸.....甜與苦!

請你食的, 食不到, 就望望吧!
這是我的心意.










2013年10月11日 星期五

ongelooflijk

中期考試成績出了,我竟然係全班第一,老師說了句,ongelooflijk(難以置信)。 其他同學都望吓我,老師又用奇怪的眼光望住我,我也不敢多看她們一眼,心諗,開學至今,都係倒數第一,今次可能係撞彩,應該無下次,請不要再望。

2013年10月9日 星期三

未到重陽

今日又有說話聽,佢覺得佢幫咁我,我覺得佢逼咁我。原來開開心心過日子,都算一種罪。

2013年10月7日 星期一

一張相片

今曰上網時,見到我老豆張相,忍不住下載落來收埋自已睇,晚上打電話給他,閒談幾句,就收線了。好想多聽聽他的聲音,但又不能多說,因為大家都是少說話之人,而且不想他知得太多,只能報喜不報憂,免得他擔心,相信他也是這樣想的,所以大家都只說數句,便心照了。

2013年10月4日 星期五

考試過後

Vandaag heb ik een grammatica toets gedaan.  Na de toets voel ik moe.
考試過後,難而平復我的心情,只好帶女出門走走,緩和緊張的心。
但不能鬆懈,因為十二月仍有一個大考。 這次大考係nt2 examen.
所以要向著這目標前進,努力考好我的大考。
相信你發夢都無諗過我會努力讀書.
只因一份嬲惱, 變成一份動力!

2013年10月2日 星期三

出埠

之前買左多張火車票,諗住特價嘛,買左放係度會有用,現在才發覺就快到期,要用啦。
我今日出埠,坐火車去左Eindhoven買貨,大包小包搬回家。
最開心係買左龍蝦和水晶梨,還有榴槤, 全部都係我喜歡食的,
今晚馬上煮了龍蝦,好好味, 不過係女兒食得最多.