窩心

最近牙痛, 無啖好食.
之前去左東方行買左包瓜子回家.
今日攞出來食, 才想起自己牙痛咬唔到.
於是放返入盒, 大女見到.
佢幫我咬瓜子, 等我食瓜子肉.
心都甜晒, 難得佢咁有我心.

GGD

五月尾時, 叫人打電話去GGD, 打算幫亞四做個OOR TEST,
佢話電話不可以約時間, 會寄信比我.
我等極都無消息, 再叫人打電話去.
佢話, 信已經寄出, 係我地無去到.
我話, 無收到信, 再寄多一次比我啦.
今日收到喇, 竟然變左係亞二的驗身服告.
我激到彈起身, 咁都可以攪錯.
又要等下星期二, 再叫人打電話去再約過.
現在差不多一個月喇, 都約不到時間.
好彩係小病, 可以慢慢等.
如果係大件事的話, 真係........

兩班合二為一

一個老師, 一個班房, 二班學生(groep3 en groep5)
combinatie groep(兩班合二為一), 我最唔想亞女入這些班, 但佢地偏偏入左去.
今日我叫老師編回亞女入普通班, 老師話這是學校決定, 可以向副校長要求.

我話, 我個女荷文差, 無其他小朋友學得更快, 怕無老師睇住會唔得.
我話, 一個老師同時教兩班, 當教一班時, 另一班就做玏課, 老師顧不到她.
我話, 我大女二女都曾經讀過這些班, 都話係自由左, 但有時唔知老師想佢地做甚麼.

副校長一句話我唔明, 唔知, 就收左我把口.
佢話, 我個女有好朋友在這班, 亞女一定喜歡去,
又話, 亞女好獨立, 好適合佢去讀.
佢話, 我可以向校長要求.

我打算先約見合二為一這位老師, 問吓佢點教學.
佢話, 高班的可以教吓低班生字, 當低班外出玩時, 佢就教高班.
          當高班去睇film時, 佢就敎低班, 叫我相信佢有這份能力.

我話, 我想我女兒讀普通班, 但你地唔比我轉.
兩個女都讀這些合二為一班, 一個係groep5 一個係groep3, 兩人唔同級別, 但就讀埋同一班.
我真係要考慮吓.

現在我未打算約見校長, 因為我無十足理由去支持, 怕自己說服不了校長, 但我自己個心就真係唔想亞女讀這些combinatie groep. 你話喇, 我應該點做, 點決定才是對亞女最好?

升班

今日靚女收到學校通知個個都可以升班喇,
唯獨亞三無得升, 可能係識字太少.
明日一早問問老師至得.

今日見左老師, 亞三係升班,
可能係因為升班之後都係同一課室, 同一老師,
所以佢以為自己無得升.

情緒化

早兩日, 發左個怪夢, 之後就為左這個夢, 心思思, 氣難平, 左想右想之後, 就情緒化, 流下了眼淚,  哭左好耐, 委屈太多, 無從申訴, 好想同你說清楚, 好想得到你的支持, 你可不可以幫我一次咁多.
點解你可以容忍你的家人對我的無理采鬧!!!!!

讚好

端午節前包左一些粽子, 送了三隻給同學, 佢話好味喎.
心想: 係咪真架, 定係禮貌上的多謝, 說句好聽說話呢.
不過有人讚好, 心都甜晒.
努力做到最好, 加油.

貴人相助

最近亞女提醒我, 在街上每每與到不順之事, 都會有人走出來幫忙. 想想吓好似"係喎".
可能這裡的人友善, 或者係上帝憐憫, 我都應該有感欣之心, 不該怨言多多.

牙痛

牙痛, 痛到睡不了, 又去整牙, 又食止痛藥, 又卜左下個月afmaken.
張單五百大元有多, 正如你說, 我口牙係鑲金的,
整牙錢貴過買黃金.

思鄉病

就快又放暑假, 我又有思鄉病, 連發夢都想起自己的香港地址, 追車趕路搭life都要回家.
可惜呀, 現在已經無回頭路可以走, 要繼續留在這裏, 一年復一年, 一日復一日, 過我的日子.
我有思鄉病已經不是現在才有的, 已經在十多年前開始, 可惜我無說出來, 你從不知道.
但你知道又如何, 你只會一聲不響, 是無奈, 定係坐視不理呢. 應該係你無法了解我的心情!

nieuw fiets新單車

今日放左學之後, 有同學陪我去睇單車, 第一間全是二手單車, 新新地都要二三舊水, 真的唔捨得. 在這徘徊左一會兒, 考慮中.
再去看看第二間, 有新有舊, 任睇, 其實都係睇價錢睇款式, 名牌子就一定買唔起, 想找部平平地.
見到一部個樣都得得地, 又好似我用開這部, 就問問價, 佢話二舊水.
我話想踩出去, 睇吓順唔順手先, 結果又ok喎. 和我用開這部的工能一模一樣, 都係舊款野.
心想, 想轉轉款都唔得, 舊款新車, 好過無.
如果無比人偷的話, 都希望可以用多廿年.

睇電視之過

最近晚晚上網睇電視追戲, 無時間溫書, 心中耐久!
一大堆紙, 仍未讀, 當初的雄心壯志, 唔知去左邊樹.