總網頁瀏覽量

2013年5月30日 星期四

中學喇...見家長

大女入到rooi pannen讀書, 今日霚住大風大雨踩著單車陪女去見老師.
初時都驚會唔知老師說甚麼, 好彩佢只係對住亞女說, 無理我,
我簽名就可以走人, 事後想想好似簽錯位置添, 真大矇!
亞女好喜歡這間學校, 希望佢能努力讀書啦.

2013年5月24日 星期五

好緊張阿

大女中學派位的日子到喇, 佢好緊張阿.
唔知佢喜歡的這間學校收唔收佢.
佢今日係度等信, 望到頸都長.
你估佢可唔可以入到這間學校呢!

2013年5月23日 星期四

又有蜜蜂巢

今日發現士多房內的紙箱內有蜜蜂巢, 當然驚啦.
馬上攞左這支藥粉出來, 噴射, 希望佢早早離開.
唔知點解, 屋企咁惹蜜蜂.
問你驚未, 不過當然係我驚過你啦, 哈!

2013年5月20日 星期一

Meimarkt

喂, 一年一度Meimarkt呀, 你知道嗎, 你有無去呀?
我買左張dansmat比亞女跳舞, 其實你以前都買過,
不過這張早就爛左, 掉左.
今年無咩特別野, 都係衣服多, 家居用品多.
行左足足三個鐘有多, 回家後又累又頭痛.

2013年5月17日 星期五

假期過後的一星期

剛剛放完mei vakantie, 這星期懶床, 不願起床, 上堂就釣魚, 真係辛苦.
星期三這天要toets, 好彩之前已經溫左書, 考試ok啦.
好彩又係筆試, 口試(praten)一定衰硬.
讀左咁耐書, 講話仍是一舊舊.
是我無口才, 定係學習能力差!!

2013年5月14日 星期二

therapie

你知啦, 我經常腰骨痛, 以前叫你帶我睇醫生, 醫吓條骨, 你又唔理我.
現在我真係去左睇, 而且scan左, 知道邊節骨有事, 做咁物理治療therapie.
一個星期去兩次, 可惜去時必經你以往住過的家, 令我回憶很多.
轉眼就十五年, 但記憶尤新, 有點想你.

2013年5月13日 星期一

母親節2013

女兒日夜成長, 今日終於有回報, 一日三餐佢地整比我食, 我當然甜在心啦.
早餐方包夾煎蛋, 午餐班撠撒糖粉, 晚餐利大利麵加磨菇汁.
還有禮物收, 你羡慕嗎.
好記得你的一句氣言: 你係你女兒的母親, 不是我的母親, 你叫你的女兒為你慶祝吧!
今日又應現了這一句話...

2013年5月8日 星期三

帶女出城Rotterdam

今日帶女出城ROTTERDAM去飲茶, 當然係坐火車啦, 好彩不用轉車.
出口都未知係邊, 今次記住HEMA, 下次應該知路.
途中怕佢地會迷失, 成日叫住佢地跟住我, 責任心都好大.
買完雜貨, 去飲茶, 都怕佢地似皇蟲, 失儀呀!
不過佢地都算聽教聽話, 我們大食一餐, 就走人.
路途雖遠, 但我又有了成功感, 我都可以帶女出城.
如果住得近的話, 消費太貴, 又會變肥婆, 所以遠有遠的好.

2013年5月7日 星期二

廿二度

好有夏天氣紛, 終於有廿二度, 我買左個水泡滑梯給靚女在花園玩,
晚餐, 我們玩BBQ(電熱板)燒野食呀, 不是用煤這款, 是你買回來的, 記得嗎?
發覺佢好好用, 冬天又可以燒, 夏天又可以燒.
現在的心情就像天氣一樣好, 難怪有人話女人如天氣.
無人打擾, 無人上門, 風平浪靜, 太好了, 希望日日如是...

2013年5月5日 星期日

麥記

星期六下午帶女出街街, 行完大運, 走左去麥記, 一人一個套餐當晚飯, 煮都慳番!

2013年5月4日 星期六

doodmoe-Efteling

今日帶女去Efteling, 佢地開始時玩得好開心, 不過中間發生小小問題就係二女想坐過山車,
嘩...我我驚過佢, 我點陪佢坐呢, 佢知我不願意, 佢又叫三女陪佢去坐, 我當然不讚成啦,
三女更細個. 佢哭哭口跟住我走, 不過去到玩激流時, 佢又玩得好開心, 我們齊齊玩左三次, 佢想繼續玩架, 我唔彩佢.
最後我們玩類似kermis鉤鴨仔, 一人鉤左個毛公仔回家, 滿足左佢地又食又玩又囉的要求, 滿足以歸.
我朝八晚八, 行到我累, 九點就馬上上床睡....doodmoe!

2013年5月1日 星期三

女皇日

今日係女皇日, 我帶女行markt, 無咩睇, 多數係賣衫的, 一人食左一支雪條就走人.
跟住我地去公園有動物睇有車仔踩, 佢地開開心心玩左一個下午.
好過她們留在家中只會上網和睇電視.
今次係最後一個女皇日, 女皇要退位給兒子,
想想我們中國人...一日唔死都不會給兒子....
應左你的一句話: 荷蘭皇養我.