總網頁瀏覽量

2012年1月31日 星期二

周身痛

不知是否又傷風感冒, 感覺係周身痛, 加上女兒在身邊嘈炒, 整個人又煩又燘.

2012年1月30日 星期一

蛋撻

足足有一年無做過蛋撻, 今日終於做了個皮, 打算明日做埋個汁, 焗來食.

2012年1月29日 星期日

行得走得

病好之後, 當然就係四維走啦, 今日係星期六, 一於帶埋女兒出街街, 行下市中心, 行下街市, 之後又去左麥記.

2012年1月28日 星期六

正常

正常就是最好, 終於好番喇, 不用做病君. Ik ben beter.

2012年1月26日 星期四

暈低左

中國新年,  我踏入龍年就好黑仔, 首先係女兒病左, 要照顧她們, 接著係自己病埋一份.話說女兒病了, 令我晚上睡得不好, 早上無精神上堂, 我在校園裏買了一杯咖啡飲, 結果攪得胃病.放學後去接女時就暈低左, 老師急忙找醫生, 但醫生放假了, 只好叫救護車, 救護人員到, 我對他說, 我唔去醫院, 我回家休息一會兒就會無事.我只是胃病, 胃到暈倒, 佢幫我量血壓, 測血糖, 之後又按下我個胃, 佢打電話回醫院, 醫生開藥, 叫我去藥房攞, 他便走了.老師好好人, 幫我去藥房取藥, 又車了我和女兒回家.

2012年1月24日 星期二

年初一

今日帶埋你的女兒去你媽到拜年.

2012年1月23日 星期一

大寒

大寒, 每年一月份, 見到這個日子, 就會想起某些事某些人, 六年啦, 記憶尤新.

2012年1月22日 星期日

大風大雨

今年天氣好差, 雖然無落雪, 但雨季很長, 返學放學買餸很不方便, 任由風吹雨打, 亦來順受.
天不怕地不怕的我, 竟然都會怕某些人, 我都不知何解. 可能對事, 我會想辦法去解決, 對人就不知所措, 人心難測掛!

2012年1月21日 星期六

又嬲又愛

日間就嬲你走左去, 掉低左我唔理. 夜間就掛住你, 想起你. 又夢見你回家了, 幫手做家務, 幫手湊女, 我一見到你, 就熊抱你,說句我好掛住你呀, 你個肚腩細左喎, 見到你對住我笑, 我興奮到醒左, 才知是發夢, 想再瞓過, 再發夢, 可是又睡不著.

2012年1月20日 星期五

怨言

昨晚發夢對住你發脾氣, 訴說我的怨言, 似乎我的氣仍未消.
我以前都是這樣的, 受了氣, 不敢話你知, 但發夢時, 就會發出來, 可是你不知我有這個習慣.

2012年1月19日 星期四

勤力中

好勤力做功課, 好勤力讀書, 雖然資質有限, 但都要盡我本能.

2012年1月18日 星期三

test

今日做左個小測試, 是否有手藝之人(handig), 我以為是, 但答案竟然不是, 我要借助別人之手才能打理好家居.
這樣的答案是否準嗎? 可能我真的好想有人能幫到自己, 可惜身邊沒有這樣的人, 我仍是要依靠自己, 天生辛苦命. 你囉, 又唔理我!

2012年1月17日 星期二

電視劇

早上送左女兒上學, 自己留在家, 不想去街, 只想靜靜地渡過, 可惜無電視睇, 好悶. 只好翻睇這些舊劇,
你囉, 時常叫你開個中文台給我看看, 你一直無理會. 我現在只好重複又重複的看看這些舊帶(DVD).

2012年1月16日 星期一

探你

今日帶埋d女去探你, 對你說聲恭喜發財, beste wens en gelukkig nieuw jaar.你開心嗎?
佢地係咪大左好多呢? 我湊得好辛苦架, 你點報答我呢?

2012年1月14日 星期六

外面的世界

以往日日在家, 出門都是和你一起, 現在要自己外出, 才發覺我要學的有很多, 坐巴士轉巴士, 問路, 認路, 和別人打交道, 打招呼, 溝通等等. 還有打電話預約, 睇牙醫, 睇家庭醫生, 樣樣都要學都要做, 外面的世界很陌生, 很刺激, 我帶著興奮的心情去面對.

2012年1月13日 星期五

笑話

突然間想到, 我讀書多年仍是level-2, 如果政府查到, 佢會話我勤力定浪費資源呢! 哈.

你話呢? 你一定係按住良心說, 你真...勤力.

我係咪估中左呢? 你想說的, 我一早就知道啦.

2012年1月12日 星期四

今日好累, 加上感冒未好, 整個人都軟乃乃. 不過精神唔錯, 生活沖實, 人都醒晨.

2012年1月11日 星期三

開學喇

今日上學, 有做不完的功課, 時間過得特別快, 又到放學時間, 老師又話回家後又要做功課, 真係好囉可以迫自己上進, 懶惰的心都要重新振作, 我不是要做大學生, 只想自己可以獨立生活, 不用依靠別人啫, 誰能比自己更靠得住呢! 你話係嗎?

2012年1月10日 星期二

你我的對話

昨晚我拿起你碌給我的碌音帶, 我放給自已聽, 又自言自語應了你一兩句. 女兒聽到了, 以為發咁夢.

哈哈好彩佢重年少, 否則佢以為我痴左線.

2012年1月9日 星期一

遺忘了的功課

元旦大假就快放完, 才想起我未做功課, 晚上夜深了才查字典做功課.

知道你想對我說甚麼喇...勤力嘛...知道喇.

2012年1月8日 星期日

麥當努

今日帶女去麥記, 我叫左四個大人餐再加二盒雞肉, 食到飽飽, 好有滿足感. 這種感覺你是不能給我的, 你知道嗎?

2012年1月6日 星期五

放鬆自已

這個聖誕元旦大假, 放足兩星期, 我們日日在家灘頭, 好舒服好輕鬆好自在, 這才是真正享受生活.

2012年1月5日 星期四

好笨

發現自己好容易說出真心說話之人,這様會好笨, 好容易被人知道自己的心底話, 又容易被人搬弄是非, 我真係要時時刻刻儆醒自己, 要守口如瓶, 少說話為妙.

2012年1月4日 星期三

心有不甘

明知你不會幫我的, 我竟然找你訴苦, 我真係蠢.
點解我最愛的人都不幫我呢!

2012年1月3日 星期二

預左

今日人地說了一句, 你預左要做啦. 我聽得不順耳, 咩叫預左, 只是佢比我好命一點, 我就不信佢一世比我好運, 我放長雙眼睇吓佢的未來.

2012年1月1日 星期日

happy new year

happy new year.

新年感想, 我要自己進步, 不是和任何人做比較, 是要戰勝自己, 一日比一日做得好, 一日比一日開心. 你話好不好呀?

這一年內都有幻音的出現, 我不想有幻覺, 怕自己受不了, 怕自己不能自拔, 忘記你, 我做不到, 但幻覺的出現會令我迷失自已, 我真的怕怕.