Lolland

今日帶女去玩, 一入去(Lolland)佢就話大人小朋友都要收錢, 我話大女唔係玩架, 佢話同樣要收費, 咁咪比佢囉, 因為都來左喇, 唔通叫大女自己回家咩.

小朋友入左去玩, 心諗不如同大女出去行吓超市, 轉頭再回來. 一返到來, 這個女人好嬲話我好走左去, 得d小朋友係到玩, 佢話危險喎, 咁就比佢鬧左一輪, 佢叫我答應無下次.

我臉矇矇坐係到, 時後想想, 佢收費時都無話到要父母同在唔可以走左去, 點怪得我呢. 又比這個女人鬧, 又比細女話我唔倍佢地玩, 今次真係貼錢買難受, 所以要同你"順幾句".

放假中

聖誕新年又有兩個星期大假, 都唔知帶佢地去邊到好. 有時想帶佢地去街, 亞大亞二又唔想出門, 佢地話, 放假嘛, 當然係留在家中, 食呀, 瞓呀, 上網和睇電視. 嘩, 真係懶人一族.

人心百態...uitslag

今日係今年度最後一次上學, 老師把我們的考試成績說了出來, 然後再發成績表給我們, 換然之, 邊個考得好, 大家心中有數. 我成績麻麻地, 早就係我預算之內, 無咩特別的心情.

但見到某些人一直表現自己, 以為自己好醒, 點知考出來的成績又不是十分之"鏢青", 見佢失落的樣子, 我都好心涼.

又有些人明知我說話不及佢,  又以為自己好過我, 點知考出來的成績又不如我, 見佢無晒表情望住我的樣子, 我一笑了之.

又有些人平時麻麻地, 但又考出好好的成績, 真係真人不露相, 無人估得佢到, 太利害了, 佩服.

一張成績表睇到人心百態.

柒髮

二女得十歲, 佢話有同學去柒髮, 佢又想去睇吓, 佢去之前我都同佢說, 睇吓好喇, 自己咪柒埋一份, 我又無比錢佢去. 點知佢回家之後, 佢比我睇佢又柒左一側. 我當場好嬲, 要剪左佢, 佢哭了跟住入左房唔出來. 佢話這側毛是免費的, 我真係比佢激C, 佢一點也不聽我的話. 佢去之前我己經說明左佢唔準柒, 佢竟然當我的說話係耳邊風. 唉...真係無本事教好佢.

超胃痛

突然間來個超級胃痛, 只會灘C, 無藥可食, 好彩係星期日不用上學, 只好留在家中, 由朝灘到晚, 除了煮兩餐之外, 真係咩都唔做, 靚女連碗都無幫我洗, 我無氣無力仍要做. 突然好想你, 起碼如果你在家的話都會幫吓我, 或者叫靚女幫手做家務. 這天晚上我七點上床去瞓, 瞓到明天七點半, 瞓了足足十二個鐘有多, 咁大個人都未試過. 心諗我C唔重要, 只係這班靚女唔知點算好?!

超忙

超忙中, 攪到自己好忙, 忙於上學, 忙於入貨, 因為過冬嘛, 落雨落雪買貨不方便, 所以要入倉買多d野.

HI, 你好嗎.

HI, 你好嗎, 仍記得我嗎? 知道今日是甚麼日子嗎? 知道你一定記得, 對嗎.

游水證書A

大女二女經過一年的努力, 終於考到游水證書A. 佢地識游水喇, 可惜我未識喎, 等我有時間時都要報名學吓至得, 你話好嗎?

sinterklaas

5 december, 今日佢地係到拆禮物, 現在玩咁.
小朋友開開心心又了一個節日.
明日她們返學返得遲, 攪到我都無得上學.

滂沱大雨

今日接女放學, 遇着滂沱大雨, 當然又係落湯雞收場.

昨晚又發夢了, 也許是日有所思, 夜有所夢, 你早就住在我的心裡.

謝謝你, 給了我一點點的記憶, 一絲絲的溫暖.

說話太多

今日有人打電話給我, 我說話太多, 事後想想, 會不會被人知我太多事呢! 自知自己係個心直口快之人, 所以別人不問, 我亦不會多說. 我變了, 對嗎?

發夢---楂車

無端端發夢, 夢見自己學楂車, 無人在身邊教路, 自己亂來, 時快時慢, 又行錯路線又撞倒人, 醒後得啖笑.

哈哈.....如果我真的是這樣楂車, 我相信你驚過我, 對嗎!

沉悶的星期六日

每縫星期六都會湊女出街街, 因今個星期六係下雨天, 所以她們留在家中看電視, 星期日又是留在家中看電視, 所以我覺得電視好嘈, 佢地又好嘈, 對於看來說這是沉悶的日子.

我做咩好? 就是做功課和做蛋糕, 最慘係食完又有大把野要洗. 還有就是我好勤力睇晒之前留下來的報紙, 現在無你在身邊話我知新聞大事, 所以要靠自己慢慢睇囉!

頭痛

最近個頭好痛, 唔敢紮馬尾, 我懷疑自己有頭風, 所以煲左一大煲薑水分左兩次用來洗頭. 唔知有無效架, 不過試吓囉.

好耐無聽過你把聲, 我開左以前你錄給我的錄音帶來聽, 好似你正在和我說話一樣. 不過我現在會分曉你邊句係真話, 邊句係大話, 對左你十五年總唔識分咩!

見家長(ouderavond)

見家長(ouderavond),
老師話: 大女升不到普通中學, 要讀職業學校(vmbo). 到一月份就要選學校, 她給了兩間比我選擇, 我想問問你家姐先, 因為我咩都唔識, 不想害了自己的女兒, 決定了就話你知啦.

二女成績嘛嘛地, taal 好差, 老師提議na de groep8,  eerst ga zij 1jaar naar taalles, daarna ga zij naar ander school.
ik zei nee, ik wil andersom, na de groep7 niet meeteen naar groep 8, eerst taalles, daarna ga zij naar groep8, als cito toets goed is, kan wel meer school voor haar kies. de decent zei, dat is logisch, maar eerst aanvragen ander jeffrouw.
所以結果都未定, 決定了再話你知.

為了靚女們的成績, 我的煩惱添了很多.

sinterklas cadeutjes

星期六天矇矇, 見到這樣的天氣都不想出街, 可惜除了星期六可以去市中心, 所以都係帶女出街, 佢地話要買sinterklas cadeutje 咁咪帶佢地行下玩具店囉, 一人買了一份禮物留待十二月五日給她們.

好可惜(Jammer)

之前三條女成績太差, 幫佢地找了一個義工幫她們補習, 可惜這位義工太太只是說故事給她們聽, 倍她們玩遊戲, 次次都不足一小時就走人, 叫她敎靚女讀下生字, 可借這位太太沒有這樣做, 有時學校有書有生字表拿了回家, 叫佢教教她們又不願意, 我已經好激氣.

今次見到學校泒回家的成績表, 阿三都有少少進步, 但阿四阿五成績一樣差, 補習了廿堂, 得個吉. 今日這位義工太太和負責人來了我家, 我拿了成績表給她們看看, 她指着阿三這份說, 進步了, 阿四阿五這兩份就沒有多提.

學了廿堂, 就不會再幫我們, 佢說這是規定(regel). 我話好阿(ok),
佢說:ｊａｍｍｅｒ．我心諗, 學了廿堂得個吉, 真係jammer.

以後靚女d成績點解好呢?! 你話喇!!!!!

2年

你離開我, 已經有2年, 你仍記得我嗎? Ik hou van jou.

A2--->B1 toets

今日整個上午都係toets, 試題在電腦之內, 限時考試, 過時的話電腦會自動離場. 我的成績很差, 只得30% tot 40% goed. 似乎我都係要重讀, 不過一早就預左, 自己知自己事, 相信這樣的結果, 亦係你估計之內. 十二月五日, 十二月十日會再來一次總考, 這年度的學業真的要結束了.

日本餐

今日同朋友一起去食日本餐, 難得一次去街吃晚飯.

椒鹽龍蝦

今日去魚舖買魚, 見到有一隻龍蝦, 心思思想買左佢, 當然馬上就買下(哈哈, 你都知我的性格就是這樣), 見到佢動也不動就放心了, 知道佢不會反抗, 心驚驚劏左佢, 先用油炸, 可惜被熱油彈到我, 為食之過. 再落鑊炒再加點椒鹽, 食得. 大女話和爸爸煮的不同, 我話當然啦, 我都唔知你老豆點煮, 我都未見過, 次次都係佢負責煮, 我負責食.

心亂

想起從前, 心有不甘.
想想日後, 心又驚又慌.

通渠

這間古老屋又病了, 有雨的日子怕水浸入屋, 又怕 渠塞, 又怕暖爐壞, 今日終於要打電話去通渠. 我係咪好叻呢, 識得打電話去找人維修.

死性不改

又夢見你, 你...死性不改, 為了慳錢, 又唔車我去補牙.  不過見你穿著白恤衫, 肥肥白白, 都好精神.

點慳呀

這兩日靚女放假, 又帶女出街街, 又洗左好多錢, 無你在家, 真係慳唔到, 日後都唔知點算好, 所以都唔望自己好長命, 費時人又老錢又無.

schrijf les

今日第一堂schrijf les, 竟然係教睇改字符號, 接住係教連接句子, 我當然衰硬啦.
睇改字符號都還可以, 人地出了上半句, 自己做埋下半句, 對我來說真係好難架.

信

你收到我的信嗎?

一肚氣

我現在一肚氣, 你知何解嘛, 當然係因為你啦!

誰是自己人

食的時候, 我是門外人,
做的時候, 我就是自家人,
涯罵的時候, 我是外姓人.

有心無力之出埠

本想這個假期帶女出埠, 去eindhoven行下, 順便買下雜貨, 但真係有心無力, 之前係因為下雨, 跟住係習慣了朝朝睡到十一十二點, 咁就無左半日, 又點出遠門呢, 都係安安分分留在家中渡日好. 哈哈!

秋季探訪

秋季假期就快放完, 一於帶女探下你, 看看你, 聽到女兒叫"爸爸", 你開心嗎?
之後我地去左麥記, 食到飽飽, 又帶她們去買鞋, 秋天冬天都是雨季, 落雨落雪的日子,  著長靴方便d. 開開心心過了一日.

寫字枱

今日終於買了張寫字枱回家, 點搬回家? 當然係問職員, 我自己和大女用公司手推車自行推回家啦, 回家後叫二女和我再把車仔推番去公司. 下午見到鄰居(buurvrouw), 佢話可以幫手, 我當然話好啦, 就是這樣, 我和她砌了一個下午, 終於砌了出來. 哈哈, 我又成功了.
砌完碌架床, 又砌完寫字枱, 你話喇, 我係咪好叻呢!

碌架床

你之前買落的碌架床, 我和大女今日終於砌了出來, 砌了足足一個下午, 打算比亞三亞五睡的, 上下兩格, 慳番d位置. 再買張寫子枱給她們, 可惜leenbakken搬左, 唔知去邊到買, 無車真的很不方便.

秋季假期

靚女開始放秋假, 這個星期要放鬆下囉.

有點擔心

就快又係重陽節, 有點擔心又被你的家人咬住唔放, 說三到四一番. 這些話題總是無始無終, 很煩呀.

停學CBV

今日終於向CBV說了停學一事, 其實都有點可惜, 不過這裡遠了一點, 加上人數太少, 又和ROC的上學時間一樣, 當然係番ROC好點啦.

又 toets

今日又toets, 頭都大晒, 好彩下星期放秋季假期, 到時可以日日睡覺斗番下. 話件事比你知啦, 我讀開的學程下年可以繼續讀多一年, 我不用停學, 但又怕自已崖唔住..一個星期上三日學, 又要回家做功課, 如果課程太深, 日日查字典, 都好辛苦架.

nog een keer 9 punt

今日lezen test, 出了成績又係 9 punt, 同學都話我係唔識說, 唔識讀, 睇和寫都ok喎.  我聽到都好開心, 起碼唔係樣樣都包尾.

仍有一攪笑事件, 有新同學話我, 係咪廿六歲, 我笑笑口話佢知, 我大女已經十二歲, 無可能十二, 十三歲就生bb. 哈哈, 你話係咪好攪笑呢!

9 punt

今日知道自己toets考到9 punt, 成績都唔錯, 究竟係我好彩定真材實料呢, 一半一半吧!

樂趣

今個星期無咩功課要做, 一於企係廚房做自己想做的事. 就是焗蛋糕 , 做包包, 整豬腸粉, 做煲返一煲瘦肉粥, 好豐富的一個午餐. 你羡慕嗎, 想食嗎?

CBV

外僑婦女學校搬遷之後, 學生少了很多, 得返我和另一個同學, 老師話好可惜, 我口角都說好可惜, 但心裏就好高興, 兩個老師兩個學生, 我可以多些時間向老師學習. 哈, 我係咪好勤力好學呢. 但又怕老師話人數少會停學直到足夠學生為止, 希望不會這樣啦!

kaarten之鋤大二

亞大亞二時時都叫我上網陪她們玩鋤大二, 初時都好好玩架, 可惜玩玩吓開始厭了. 你記得嗎, 我以前晚晚自己上網玩的, 你又唔肯陪我玩.

有korting

之前心思思想買部單車仔比細女，今日見到有減價，減２０元，但都好過無得減．明日睇睇先，如果適合的話就買回家．會不會又比你話我敗家呢！

心大心小--單車仔

想買部單車仔比亞細女, 買新的又好貴, 無大特價, 買部二手的, 又怕太舊. 孖女開始喜歡和其他小朋友一齊玩, 家中只得一部細單車, 一個有, 一個無, 時時鬧交, 我都無佢地符.

悟出新道理

這十多天都懶洋洋留在家中養病, 因為我的胃痛仍未好, 可能係過去的一年太忙, 所以影響左個胃. 胃痛又食咩藥都醫唔好, 真係煩!
今早女兒上學了, 我獨自胡思亂想, 竟然比我悟出新道理.  給自己種種理由, 說服自己去忍耐, 去平靜.

好熱

今日有三十二度, 好熱呀, 我懶洋洋留在家中, 除了兩餐之外就甚麼也不做, 怕左又流汗. 唔知可解胃痛又出現, 日日都痛, 就好像你以前一樣, 我會不會和你同一收場呢?!

這個暑假

這個暑假都算ok啦, 玩得好開心, 當然亞女更加開心啦.  我有父母愛鍚, 有家人關心, 有弟弟幫手, 有朋友相聚, 這麼的溫馨, 都唔知點解當初會跟你走, 可能以前覺得愛情大於一切, 到現在才知親情都好重要. 愛護自己的永遠是自己的家人, 不是別人的家人, 我真的有好深的體會.

身在香港仍要受氣

這個暑假我真的回港了, 你有無回去呀?
本來可以開開心心vakantie, 可惜又被人指住來鬧,
難度這就是愛你的代價嗎?
佢唔單只鬧我, 重同你亞女講, 話我錯, 我害死你..
唉, 佢無幫手湊女, 無比錢養我們, 但就時時鬧我.
我應該點做呀?
到左忍無可忍時, 你就唔好怪我.
你知嘛, 我一個人湊大幾個女,
佢同我亞女講我害死你, 我以後點同亞女溝通先.
何況我根本無錯, 無做過,  這樣被人屈, 我點都唔服氣.
互不來往是遲早的事.
你知唔知你亞媽好過份呀?!!!!

29JULY2012

結婚十四週年, 仍記得嗎?
有咩 cadootje voor mij?
niks!!!
唉!!!

六個套餐

今日帶埋亞女去麥記, 我叫左六個套餐, 任佢地食, 食到飽飽, 好有滿足感.

寛容

對別人寛容一點, 個心會舒服一點, 放過別人, 放過自己.

放暑假

今日係學校最後一日學, 而且係半日, 下午時打算帶女去麥記, 點知個天要落雨, 只好走回家, 希望明天能夠去啦, 因為要買野嘛.

學校清潔

今晚去左亞女學校幫手做清潔, 和其它家長都談得一兩句, 我已經好心滿意足. 我以前都對你說過, 想找些外國人做朋友,  一來可以交流, 二來不會有是非,  如果我識的全是中國人我都怕自己心直口快說多左私事比人知, 所以和鬼婆相處會好一點, 對語言都有幫助.

端午節

原來星期六這天係端午節, 可惜我忘記了, 所以無包粽, 父母來電我才知.

又有蜜蜂巢

最近發現後花園又有蜜蜂巢, 我用舊方法又玩火燒蜜蜂巢, 今次燒佢唔盡, 我又用wd-40噴射, 這群蜜蜂走了又回來, 我怕佢地會針我, 一於係士多房入面再噴出去, 先噴火, 又噴噴潔液, 又噴潔廁德, 都係唔得, 可能上次係一隻, 今次係一群, 我心都震, 都係搵房屋部問問好d, 佢地話如果係wesp就可以免費幫我地, 但如果係蜜蜂, 就要自己搵人, 自己比錢. 我去問問10仔這家, 叫佢幫手打電話約時間, 佢問了價錢E47.50, 嘩好貴啫. 最後10仔話不如自己買藥粉回家, 佢幫我撒粉, 我當然無意見啦, E10蚊一樽粉攪掂. 有時這些家庭小事, 都好傷腦筋架, 你不在家這些日子, 我真係頂硬上的, 頂得好辛苦.

被人當小偷

今早無事做, 諗住去Shopping, 係VND入門時, 防盜門響了, 職員問我之前有無買左野, 我話無喎, 佢叫我出翻去, 再入過來, 結果無響, 我就無理佢. 接住KIJKSHOP買左隻手錶打算比亞女, 去左KRUIVAT門前時, 防盜門又響, 今次個職員無之前這個咁友善, 要睇我手袋, 我咩都無做過, 又不是小偷, 唔怕佢睇, 佢咩都找不到, 只找到這隻手錶, 佢話: Ik hop die horloge is van jou. 我聽到都未知嬲, 因為張買貨單重係度, 我以為佢睇到, 點知佢說完一次又說第二次, 我依然站係度, 無理度佢, 由得佢搵, 結果係無野, 我擺翻d野落手袋走人, 出門時又不響, 我都唔知何解防盜門會響. 但今次被人當小偷, 氣頂了. 想起職員這句說話時, 更加嬲. 我以這種性格, 一百萬放在我面前都不會攞, 何況只是一隻手錶. 你話喇, 係咪氣頂.

herinnering van je oude kind

Dat we altijd samen grapjes maken.
Ergens met de auto heel ver na toe zijn.
Veel met elkaar spelen, praten.
Iets oplossen als ik problemen heeft.
Lekker koken.

父親節禮物

這是靚女們送給你的, 喜歡嗎.? 我都有野送比你架, 就是朱古力喇, 不過忘記影相之麻.

父親節2012

明日係父親節, 帶埋D靚女去探你, 相信你見到佢地送給你的禮物一定好開心. 我都買左盒朱古力給你, 甜到你入心入肺. 個個都好掛住你架,我們的心意你收到啦! 父親節快樂.

肥心到醫院一遊

肥心之前到GGD度做耳仔測試, 人員話佢聽覺聽得不清楚, 轉移去醫院睇KNO. 今日就去了, 醫生話不是很嚴重, 不用理會, 日後有事再去睇過. 我都唔知信邊個好. 如果佢聽得不清楚又點讀書呢, 醫院唔理我係咪就可以當無事發生呢, 日後才算, 我現在又點可以安心呢.

出世紙

好煩呀, 我本身就唔係好想番香港, 細佬佢地叫我番, 本來番去都無問題, 我可以拜吓亞嫲, 點知佢地又話不如一家大細番中國玩吓, 點知中國簽證煩到C, 要小朋友出細紙, 即係我又要去Gemete 攞張英文版出細紙啦! 現在都未忙完, 又要去攪咁多野, 邊有心機放暑假呢!

老師..阿sir

今日放學之後, 老師問候我, 接住傾了兩三句, 閒話家常, 佢都有提起你, 我唔想說大話,  亦不想說真話, 所以沒有多提. 其實佢都教得好好, 不過我多年無學, 加上自己太蠢學不到.

取了新的眼鏡

今日終於取了新的眼鏡, 都算好用, 以往第一日帶新眼鏡總有點不習慣, 今次無這種感覺. 我又可以從見光明, 看得清清楚楚, 不再眼矇矇, 以為舊泥係老鼠, 哈...自己嚇自己.

細說當年

今早心情麻麻地對住你訴苦, 細說當年你對得我不夠好, 沒有好好愛鍚我, 保護我, 關心我.
我今時今日受苦仍是因為你, 愛是一件痛苦無比之事, 好似你親手拿了把刀插入我的心一樣痛.
 點解最愛之人就是最傷自己的一個.

搵笨

眼鏡舖之前話兩個工作天有新眼鏡攞, 今日去問佢, 佢話無要等到明日, 星期四係feestdag, 真係信佢都C, 分明係想我幫襯才話好快有, 如果明日都無, 我以後都不會幫襯佢.

又移民??

發夢見到你, 我問你去左邊, 你話去左美國, 我覺得好為難, 因為我又要學英文. 不如你移民回港吧, 我喜歡香港多D.

盲俠

眼鏡不能維修, 只好配過另一幅眼鏡, 有公司話要兩個星期, 有間話要五個工作天, 我同佢講數, 佢答應二個工作天有得攞, 這三天都要做盲俠. 其實都唔算好貴啫, CZ保200蚊, 尾數自己比, 唔明你當初點解堅持唔比我配.

眼鏡壞了

這幅眼鏡用了八年, 終於都頂唔順喇, 我點算好呀???本來想佢用到七月份回港後再配另外一幅, 現在係六月份, 仍有一個月, 唔湯唔水添!

功課

今日由一點坐到五點, 就是為了做功課, 對住份卷, 世願左好耐好耐, 打左許多個"喊露", 唉聲嘆氣左好多次, 又食花生又食朱古力, 頂唔順都要繼續頂, 終於做完.

暖爐維修工程

明日下午暖爐維修工程的開始, 希望佢好來好去, 唔好有手尾要我跟, 這間古老屋太多維修工程, 令人煩惱, 要打電話約時間, 又要留在家中等人到, 又不是一次過做好佢, 多數係維修好後一段日子又病過, 我都唔知點住落下, 早早叫你搬, 你只說遲d先, 你話喇, 我現在搬好定唔搬好???

亞肥唔聽話

亞肥又唔聽話, 我叫佢晒衫, 佢發脾氣唔想做, 我火都來, 叫佢一係就晒衫, 一係就走人, 佢坐係到動也不動, 一於唔做. 我叫佢上樓上, 我唔想見到佢. 到了食飯時, 我無叫佢, 佢最後終於自己走左落來食飯.

如果這班小朋友聽教聽話, 大家都可以開開心心生活下去, 可惜養女容易教女難. 我以前都叫你幫手教佢, 可惜你話佢年紀細未懂事, 大d先, 就因為這樣佢只記得你的好, 我現在想教好佢都難.

帶女去學游水

每縫星期三都帶女去學游水, 可惜要轉車, 十分之不方便, 好彩我只係幫佢地報左學十堂.暑假過後就停左佢, 可能明年會繼續.

超支

個個月都超支, 所以仍是你養住我.你的錢遲早有用完的一天, 我都擔心老左唔知點算好.你有沒為我打算過呢?

火燒蜜蜂巢

星期日這天, 我和女兒在後花園玩, 發現士多房門外有隻蜜蜂在建設蜜蜂巢.

嘩, 好大件事喎, 我點入士多房攞東西呀, 女兒在後花園玩咪好易針到囉.

想吓想吓, 突然這隻蜜蜂走開了, 我馬上拿起打火機噴火燒左佢個巢, 鎖門入屋.

這隻蜜蜂回來了, 佢繼續又建設, 我女兒的玩具發出聲響, 隻蜜蜂又走開了,

我隨手拿起樽wd-40噴滑劑噴射這個蜜巢位置, 再潵上沙粉.

蜜蜂剛巧回來, 佢好嬲, 發出好大聲, 我和女兒都好怕佢會針我地.

我叫女兒馬上入屋, 我自己走不開被困在士多房, 就不停潵粉, 佢不敢進入,

我曾機會走入屋, 佢仍在巢在附近徘徊, 我話之佢.

數小時之後, 我又走出去睇睇, 佢飛走左,

我馬上潵上防蟻粉, 希望佢嗅到有味以後不要再來.

我不想傷害佢, 但請佢遠離我們多一點. 哈.

如果係你, 你會點做呀?

四眼強

今日在街上遇到佢, 我當然問佢追數啦, 佢笑笑口話無工做, 佢老婆都追佢比兒女費, 咁即係又無錢還啦. 你今次真係好心無好報, 十年已來一個錢都無還到, 睇怕都凍過水. 你有本事的話, 自己去追佢還啦.

又去左探你

今日帶埋你d女去探你, 你開心嗎? 有開心果有汔水有糖糖, 適合你的口味嗎?

後悔了

昨晚夢到你初時好開心, 之後又罵你. 醒後好後悔, 為何我要閙你呢! 不竟能夠相聚是件好事, 對不起......夢是不能控制的, 請見諒. 其實你都知我脾氣, 口就罵, 心就錫.

提起你

今日有人提起你, 我不想多說, 不竟這是我的痛, 我不想傷口再次表露出來, 你明白嗎? 你能理解嗎?

暖爐加水

今日終於叫左個維修員回家整暖爐, 好在不是等了很久, 佢話下次要再打電話去佢公司約時間, 個暖爐要清潔一番, 唉!!! 你知啦個暖爐附近有好多野, 搬餐C. 佢話下次個洗衣機打乾機都要移開佢, 嘩, 我邊有咁好力呀, 你話喇, 我點算好呀??

Als....,dan.....

今日上堂時, 老師叫我們作文, als...., dan.....分組做, 我們作得好開心, 越來越喜歡上學. 我真的希望學多一點點, 可以在此生活下去. 說來也奇怪, 以前想住回香港住, 現在想法變了, 決定留在此終老.

還有家中個暖爐無水, 時時都響, 我自己不會加水, 找人幫手又找不到, 過多兩日又要打電話去, 又要留在家中等佢來, 超煩呀.

自由感

今日老媽子打電話給我, 佢說三道四一大輪, 之後我話佢知, 我現在好好, 生活好自由, 又有自主權, 我喜歡這種生活, 佢話我堅強. 咁你呢? 你是否覺得我無情無意呢? 其實不是, 只是我性格是這樣, 今日開心今日過, 明日愁來明日當, 太短視!

超懶的女兒

發覺佢地一日比一日懶, 頂佢地唔順, 咩都我做晒, 養佢地都晒米飯.咁辛苦養大佢地, 又怕佢地大了就一走了之, 我都無咩回報. 我老左點算好呢!

兩星期過了

靚女終於放完兩星期大假, 我又要過早早起床的日子, 但有一個上午的私人時間都不錯, 她們日日在家, 我都好煩, 怕佢地嘈囉.

有失有得

最近有一點點的想法, 我失去左你, 但我又得到自由, 我忙碌左, 但我充實左, 我無私家車坐, 但我學會踩單車, 無人幫我做翻譯, 我嘗試自己開口說, 無人被我做依靠, 我又依靠自己, 親力親為, 親身經歷, 有了成功感, 滿足感, 得失仍是一半一半. 理性時好努力過我的生活, 感性時好想你!

女皇日

女皇日帶去行擋灘, 無咩買到, 而且天氣好熱, 佢地嘈住要食雪糕雪條. 好彩這裏有個任跳氣球, 任佢地跳唔洗錢, 玩完後, 佢地又話要去kerkibo--kinderboederij, 我又累又頭痛, 有時候覺得湊女都好辛苦. 你就好啦, 唔洗你做. 女皇日喎, 你自己有無去行吓呀?

放假中

靚女仍在放假中, 我有難要日日湊女. 見玻璃窗好污糟, 決定洗一洗佢, 但家中無長梯, 見8號仔有人洗玻璃窗就多口問下佢, 這人話下次得閒時幫我洗, 哈....今次真係好好彩.

新護照

今日帶女去gemeete, passport halen.嘻嘻....今次真係打算帶女走喇! 你有無打算和我們一起走呀?

游水記

今日帶女去泳池玩水, 當然係我驚過佢地啦, 好在大女二女之前學過游水, 但肥心就覽住我唔放, 叫佢地去細池玩又唔肯, 下次都咪攪我, 等佢地一個個學識游水先啦, 我都想學咪一份, 咁就保證我們安全喇.

Mei-vakantie

靚女放兩星期大假, 佢地放假, 我當然係要湊女啦, 好在不用早早起床囉. 得閒時帶佢地去探吓你, 等你開心吓, 不過未知邊日架, 睇心情睇天氣, 你等吓啦.

好返未呀

你話我知你肚痛, 你現在點呀? 好返未呀, 我不在你身邊, 你要自己照顧自己, 知道嗎? 有事要話我知, 我幫不到你, 但我們可以分享分擔我們的生活, 心連心, 直到永遠.
你好想睇電視咩, 我都知自己無睇新聞的習慣, 多謝你提醒我喎.

可以嗎

以往你時時都焗燒鴨給我們食, 我懶囉, 次次當你煮飯時, 我就上網, 無跟你學入廚. 今時唔同往日喇, 我都會焗燒鴨, 你滿意嗎? 望落去可以嗎?

無飯吃

這兩晚都要出門, 第一晚係帶女學游水, 時間係五點, 所以煮不到晚飯, 加上之前食左少少野, 唔上唔落. 第二晚係帶女去做護照, 時間任人地比, 係晚上六點, 所以五點時食左KFC, 回家後又懶得煮.晚上我肚餓架, 但累到不想做不想食.

opbezoek

星期六帶埋靚女去探你, 又唱生日歌比你聽, 你開心嗎? 是否甜到入心呢, 加埋這些朱古力, 包你開心到不捨得我們. 之前比說話你聽, 跟住又氹番你, 一啖沙糖一啖C, 哈, 我就是這樣的人, 見怪不怪, 只想你永遠記住我, 只想你心裏有我.

之後帶埋靚女去左wandelbos, 以前你時時帶我們去的, 你仍記得嗎? 佢地又食又玩, 又跑又走, 咁就過了一天.

相信你的生日願望都是想女兒開開心心, 我就幫你成全佢啦, 點多謝我呀?

生日快樂

四月十三日, 你生日的日子, 你記得嗎?

我做了個蛋糕給你, 你喜歡嗎? 好味嗎?

好重火

好重火, 未嬲完, 仍為之前之事影響我的心情, 受了氣無從發洩, 忍到爆. 點解要好似狗一樣咬住我唔放呢, 唔通佢真係想做狗.

心亂

清明過後, 回想從前往事, 總是有怨有恨有氣有淚.

步行去GGD

今日帶女去GGD打針, 十二歲大一定要打, 共分三次, 今日係第二次, 上次坐巴士用了很長時間, 所以今次選擇步行. 一來一回共用了一小時三十分鐘, 腳仔軟晒.

還有, 我嬲完喇, 亦不想長時間去嬲一個人, 這樣會辛苦了自己, 總之, 別人不招惹我, 我就可以平靜過日子.

受氣

今日受左氣, 勁唔開心, 走上樓上打你這個boxing.
你話我知, 你心裏有沒有我, 如果沒有的話,我以後都唔理你, 費時受你家人氣.

東方行en gemeete

今日坐火車去左Eindhoven東方行買雜貨, 本來用OV-kaart 有kosting, 可惜要 via internet, 我不會用, 只好用銀行咭比錢, 現在咩都電腦化. 我有排學. 我都有一成功地方, 就是打電話比gemeete afspraak maken, aanvragen paspoort voor vijf kinderen. 已經約左時間喇. 我係咪進步左呢!

100%

得左, 今次考筆試我有100%goed. woordenschat is niet zo moeilijk.

讀書

讀死書, 死讀書, 苦了自己.

toets

上學已經有一些日子了, 下星期三toets, 又有點緊張.

opzij

今日帶女去公園玩, 就是這個有車車可以踩的公園, 一點去四點回, 佢地都玩到不願意走. 回時發生小問題,正想走時, 剛巧有一小朋友踩住車仔, 他撞到阿四, 阿四大叫大哭, 人人望住, 這小朋友才說opzij, opzij, 說給各人聽, 我都想閙佢架, 但閙不出口, 心裏有點難過, 就似自己女兒被人地"蝦"佢, 我都無能力保護佢, 只好抱住佢走人. 回家後幫佢夫冰查藥膏囉, 如果你當時在場就好了.

GGD

今日帶女去GGD打針, 等巴士坐巴士用一小時十五分, 嘩, 真係太耐了, 頂唔順, 回家時決定步行好過, 只是用了四十五分鐘, 無車真的不方便, 最衰你唔比我學車.

心情篇

最近心情不錯, 除了有時會發下脾氣, 都是因為女兒不聽話, 其他都算好好.
很滿意現在的生活方式, 返學放學接女湊女入廚上網又一日.
不用工作, 不用擔心生活費等問題, 真的別無他求, 知足常樂也.

暖板完工

今日終於有人入屋, 整好块暖板, 真係等到佢頸都長, 希望之後不用再找佢地.
春天到喇, 又是一年新的開始, 你習慣你的新生活嗎?

又病了

何解又病了, 真的不喜歡病, 不想做病君, 健康的身體, 才能應付每日的工作.
如果你在家, 我一定會話是你傳染給我的, 可惜現在無得賴!唉!

又開學喇

假期過後, 又開學喇, 今日上堂時, 老師不停教學, 我難而集中精神, 就似比佢疲勞轟炸一樣, 最後我說了一句, Ik wil graag naar huis(我想回家), 接住係個個都笑起上來, 連我都醒過來了, 哈, 好笑嗎?

安在家中

靚女放大假, 我們日日安在家中, 我都不想帶她們出門, 我真係覺得自己好累, 好想休息吓. 可惜無得偷懶, 始終都要湊女, 都係要帶她們出門走走, 不過要搵日等我有心情先啦.

carnaval feest

沒有你之後, 我喜歡帶女到處去, 去社區中心參加節目, 去市中心睇大遊行, 開始溶入這裏的生活. 亦不想因為沒有你而令女兒失望, 想她們繼續過開開心心的日子, 你為我感到自豪嗎?你是否應該要好好感激我呢!

上定倉

今日係星期四, 本來要返學, 但不用上堂, 本打算出埠去東方行買貨, 心大心細之下, 結果都是無去到, 無它的, 是要坐火車嘛, 咪懶得去囉! 不過都去左各大超市買餸, 因為下星期靚女放大假不用上學, 所以都要上定倉.

未跟得上

開學到現在, 我都覺得自己未跟得上, 成績麻麻地, 已經係好勤力, 可惜個人資質有限.
亞賢, 我點算好呀?

未瞓醒

今日送左靚女返學, 二女話留左份功課在家, 我又要回家取, 之後就係自己返學, 返到學校已經好累, 上堂時, 老師不停教書, 我就似未瞓醒一樣, 只聽到佢把音, 但不知他說甚麼, 未回雲, 仍是一舊雲.
咁你呢? 你今日做過咩呀?

情人節

今日係情人節, 你仍記得我嗎? 你的情人仍是我嗎?

燒味篇

這兩日在家中玩燒味, 燒火腩又燒燒鴨.
首先玩燒火腩, 燒出來個皮不夠脆, 硬左少少, 無你燒得更靚, 好後悔當初無跟你好好學廚, 你的女兒以後無口福了.
跟住係玩燒鴨, 燒出來都好好味, 係個皮水準不能次次一樣, 火候問題. 不過都好過上次係啟記買這隻, 又生又臭, 賠左十二歐元比佢.
喂, 你好教我嗱, 點燒火腩呀?

星期六

今個星期六帶女行街街, 又去左肯德基(KFC)食雞. 就快加拿埠(CANAVAL), 靚女話要買衫衫扮靚靚, 所以四維睇下. 係呀, 大女二女條裙裙唔夠著喇! 佢地長大了很多.

暖板

沖涼房暖板壞了, 無暖氣出, 又要找人維修, 又要等人一個上午. 送女上學, 又怕維修人員到訪, 想叫oma 幫手睇住, 佢又不明我說甚麼, 最後當然係提早帶女上學, 叫佢地在學校門口等開門, 我就走了回家, 剛好維修人員到, 時間剛剛好.

文字盲

剛剛上完學, 學了很多生字, 轉個頭又忘記得一乾二淨, 同一個字查完一次字典又查一次, 重複又重複, 仍是不能把這些字放入腦, 事問這樣讀書能有成績嗎? 我想如果你知道的話, 你都會搖頭.

還人情

今日買了一束花送給某人, 不想欠人家人情債.

冰河

今朝上學, 零下十二度, 好凍呢. 因之前落過雪, 現在開始溶雪, 地面好滑, 我無踩單車上學, 只是步行, 經過河仔邊剛巧起穚, 企係到食西北方凍到打冷震, 河水都結冰了, 變成冰河. 我有這樣的經歷, 你能體會到嗎?

二女

二女好掛住你! 她們都好有你心, 你掛住她們嗎?

星期日

之前食左藥, 星期日留在家中休息, 午睡一刻, 嘩, 好正..
我今日煲左一大煲魚翅瘦肉粥, 都好正架, 可惜你無口福, 品嚐不到.

藥粉

食了兩日藥粉加水飲, 發覺都係食藥丸好點, 藥粉好苦呀, 我好似小朋友一樣要搵小食來送藥. 你有無食過藥粉呀?

胃病

今日終於見到醫生一面, 佢開左另一種藥比我食, 因為之前這款無效, 佢又叫我去做個胃test, 好在不是在醫院度, 是在另一地方, 都好方便, 已經約了時間, 下星期做test.

我又叫醫生開左支藥膏比我查皮膚, 隻爛腳囉, 年年都是這樣, 一到冬天就痕癢. 你隻手就查好左, 我隻腳就未好.

胃痛

這兩天又胃痛, 終於忍無可忍, 要找醫生睇下咩事, 但打電話預約時, 竟然是電話錄音, 多項選擇, 我打了好幾次, 才知不按選擇, 才找到人接線, 佢無幫我預約, 話要問過醫生先, 真被佢吹賬. 最後約了明天一早去睇醫生, 結果如何, 明日話你知.
香港病人要睇醫生, 多多選擇, 這裏睇醫生, 就問題多多, 都未見到醫生一面.

零下六度

今朝零下六度 , 我踩住單車上學, 好凍.

自得其樂

閉門一家親, 不用閒人打擾, 食得開心. 好一句: 令食開眉粥, 不食愁眉飯.

周身痛

不知是否又傷風感冒, 感覺係周身痛, 加上女兒在身邊嘈炒, 整個人又煩又燘.

蛋撻

足足有一年無做過蛋撻, 今日終於做了個皮, 打算明日做埋個汁, 焗來食.

行得走得

病好之後, 當然就係四維走啦, 今日係星期六, 一於帶埋女兒出街街, 行下市中心, 行下街市, 之後又去左麥記.

正常

正常就是最好, 終於好番喇, 不用做病君. Ik ben beter.

暈低左

中國新年,  我踏入龍年就好黑仔, 首先係女兒病左, 要照顧她們, 接著係自己病埋一份.話說女兒病了, 令我晚上睡得不好, 早上無精神上堂, 我在校園裏買了一杯咖啡飲, 結果攪得胃病.放學後去接女時就暈低左, 老師急忙找醫生, 但醫生放假了, 只好叫救護車, 救護人員到, 我對他說, 我唔去醫院, 我回家休息一會兒就會無事.我只是胃病, 胃到暈倒, 佢幫我量血壓, 測血糖, 之後又按下我個胃, 佢打電話回醫院, 醫生開藥, 叫我去藥房攞, 他便走了.老師好好人, 幫我去藥房取藥, 又車了我和女兒回家.

年初一

今日帶埋你的女兒去你媽到拜年.

大寒

大寒, 每年一月份, 見到這個日子, 就會想起某些事某些人, 六年啦, 記憶尤新.

大風大雨

今年天氣好差, 雖然無落雪, 但雨季很長, 返學放學買餸很不方便, 任由風吹雨打, 亦來順受.
天不怕地不怕的我, 竟然都會怕某些人, 我都不知何解. 可能對事, 我會想辦法去解決, 對人就不知所措, 人心難測掛!

又嬲又愛

日間就嬲你走左去, 掉低左我唔理. 夜間就掛住你, 想起你. 又夢見你回家了, 幫手做家務, 幫手湊女, 我一見到你, 就熊抱你,說句我好掛住你呀, 你個肚腩細左喎, 見到你對住我笑, 我興奮到醒左, 才知是發夢, 想再瞓過, 再發夢, 可是又睡不著.

怨言

昨晚發夢對住你發脾氣, 訴說我的怨言, 似乎我的氣仍未消.
我以前都是這樣的, 受了氣, 不敢話你知, 但發夢時, 就會發出來, 可是你不知我有這個習慣.

勤力中

好勤力做功課, 好勤力讀書, 雖然資質有限, 但都要盡我本能.

test

今日做左個小測試, 是否有手藝之人(handig), 我以為是, 但答案竟然不是, 我要借助別人之手才能打理好家居.
這樣的答案是否準嗎? 可能我真的好想有人能幫到自己, 可惜身邊沒有這樣的人, 我仍是要依靠自己, 天生辛苦命. 你囉, 又唔理我!

電視劇

早上送左女兒上學, 自己留在家, 不想去街, 只想靜靜地渡過, 可惜無電視睇, 好悶. 只好翻睇這些舊劇,
你囉, 時常叫你開個中文台給我看看, 你一直無理會. 我現在只好重複又重複的看看這些舊帶(DVD).

探你

今日帶埋d女去探你, 對你說聲恭喜發財, beste wens en gelukkig nieuw jaar.你開心嗎?
佢地係咪大左好多呢? 我湊得好辛苦架, 你點報答我呢?

外面的世界

以往日日在家, 出門都是和你一起, 現在要自己外出, 才發覺我要學的有很多, 坐巴士轉巴士, 問路, 認路, 和別人打交道, 打招呼, 溝通等等. 還有打電話預約, 睇牙醫, 睇家庭醫生, 樣樣都要學都要做, 外面的世界很陌生, 很刺激, 我帶著興奮的心情去面對.

笑話

突然間想到, 我讀書多年仍是level-2, 如果政府查到, 佢會話我勤力定浪費資源呢! 哈.

你話呢? 你一定係按住良心說, 你真...勤力.

我係咪估中左呢? 你想說的, 我一早就知道啦.

累

今日好累, 加上感冒未好, 整個人都軟乃乃. 不過精神唔錯, 生活沖實, 人都醒晨.

開學喇

今日上學, 有做不完的功課, 時間過得特別快, 又到放學時間, 老師又話回家後又要做功課, 真係好囉可以迫自己上進, 懶惰的心都要重新振作, 我不是要做大學生, 只想自己可以獨立生活, 不用依靠別人啫, 誰能比自己更靠得住呢! 你話係嗎?

你我的對話

昨晚我拿起你碌給我的碌音帶, 我放給自已聽, 又自言自語應了你一兩句. 女兒聽到了, 以為發咁夢.

哈哈好彩佢重年少, 否則佢以為我痴左線.

遺忘了的功課

元旦大假就快放完, 才想起我未做功課, 晚上夜深了才查字典做功課.

知道你想對我說甚麼喇...勤力嘛...知道喇.

麥當努

今日帶女去麥記, 我叫左四個大人餐再加二盒雞肉, 食到飽飽, 好有滿足感. 這種感覺你是不能給我的, 你知道嗎?

放鬆自已

這個聖誕元旦大假, 放足兩星期, 我們日日在家灘頭, 好舒服好輕鬆好自在, 這才是真正享受生活.

好笨

發現自己好容易說出真心說話之人,這様會好笨, 好容易被人知道自己的心底話, 又容易被人搬弄是非, 我真係要時時刻刻儆醒自己, 要守口如瓶, 少說話為妙.

心有不甘

明知你不會幫我的, 我竟然找你訴苦, 我真係蠢.
點解我最愛的人都不幫我呢!

預左

今日人地說了一句, 你預左要做啦. 我聽得不順耳, 咩叫預左, 只是佢比我好命一點, 我就不信佢一世比我好運, 我放長雙眼睇吓佢的未來.

happy new year

happy new year.

新年感想, 我要自己進步, 不是和任何人做比較, 是要戰勝自己, 一日比一日做得好, 一日比一日開心. 你話好不好呀?

這一年內都有幻音的出現, 我不想有幻覺, 怕自己受不了, 怕自己不能自拔, 忘記你, 我做不到, 但幻覺的出現會令我迷失自已, 我真的怕怕.