總網頁瀏覽量

2011年12月31日 星期六

感覺不好受

今日感覺不好受, 過於計算, 苦了自己.

2011年12月30日 星期五

又係你

昨晚見到你, 我感到好驚奇, 我摸住你隻肥大的手, 摸了很久, 你好少對我說話, 今次終於開口了, 你提到我個blog, 你是否讚我呀?

講定數

終於講服你個女, 買份平平地的禮物, 太貴買唔起.

2011年12月29日 星期四

搵笨

搵笨, 我生日時你沒有禮物給我, 你女兒生日要蛋糕, 要新裙裙, 又要禮物, 仲好貴添, 你話啦, 我是否買給她呀?

2011年12月28日 星期三

半夜時份

身邊少了你, 半夜特別想你, 你令我睡不著呀! 唉, 又失眠.

2011年12月26日 星期一

胃痛

今日中午食完飯時胃痛, 晚餐過後又是這様, 都不知為何, 我是否要去看醫生呢?

2011年12月25日 星期日

病病地

今日週身骨痛, 似感冒, 好似又病病地, 希望不是啦!

2011年12月24日 星期六

累了

今日係學校返埋最後一日學, 明日開始放聖誕節.
今日好累, 回家後在大廳灘c. 由下午二時睡到五時, 補返數先, 哈哈..

2011年12月23日 星期五

2011年12月22日 星期四

臉皮成尺厚

今日上學, 老師叫我讀書, 你知啦我五音不齊, 我自己都不知自己讀咩, 相信他們都心裏有數.
我一笑自知, 臉皮成尺厚. 希望日後有進步啦.
能力係我的死敵, 勇敢係我的強項, 你估我讀唔讀得成呢?

2011年12月21日 星期三

ROC受寵若驚

今日收到ROC來電, SIR叫我攞埋D證書去比佢COPY就可以入學, 明天可以開學.

我由四月份開始等到現在, 真的等了許久, 突然話明天上學, 有點受寵若驚, 全無心理準備.

2011年12月20日 星期二

翻譯員

今日有個翻譯員(tolk)幫手做翻譯, 我鬆了一口氣, 你知啦, 我係有限公司嘛, d咩文勁差!

2011年12月19日 星期一

留在家

星期日又是留在家, 家中多溫暖, 喜歡這個溫暖小窩.

2011年12月18日 星期日

下雨天

步入冬季, 下雨下雪的日子, 好怕外出, 但要上學, 一定要外出, 好麻煩.
又怕這間舊屋會水浸, 你囉, 又話搬, 又未搬, 現在我想搬都難呀!

2011年12月17日 星期六

病左

之前上學時個老師大傷風, 我自知自己容易愛感染,已經避左佢, 點知都係中招, 我又傷風了.

2011年12月16日 星期五

左鄰右舍

多謝街坊這一年的杖義幫忙, 真係遠親不如近鄰.

2011年12月15日 星期四

成功感

現在開始學習獨立, 自己照顧自己照顧家人, 反事親力親為, 學識打電話預約, 學識用銀行咭, 學識睇醫生睇牙醫, 學識踩單車代步, 樣樣都是邊學邊做, 做到了就有了成功感.

好一句學到老做到老, 我現在才學起, 算不算太遲呢, 真係多得你唔少. 你會為我自豪嗎?

2011年12月14日 星期三

連場惡夢

睡得不好, 整夜都在發夢, 醒後人都呆呆地, 以前都未試過這樣. 也許個人太燥了.

2011年12月11日 星期日

新工作

發夢, 夢見你在遊牧場工作, 而且做得好開心, 見你笑容滿臉.
我心感安慰, 希望你能適應你的新生活, 過著快樂的日子.
我也會開開心心過日子, 我相信我們一定會再相聚.
你要努力工作呀, 建設新的家園, 等我呀!

2011年12月10日 星期六

你凍嗎

天氣開始轉涼, 晚上下著大雨, 心想你住在這裏, 一定會好凍, 如果留在家裏就好了.

記住呀, 想回家就回家吧, 我沒有搬屋, 永遠等著你回來.

2011年12月9日 星期五

步入冬天

今日睇天氣報告, 佢話日間有8度, 夜晚有5度, 未算好凍,但有大雨和落冰粒(龍眼雪).
好怕落雪落雨的日子, 步行上學很不方便.

2011年12月8日 星期四

新屋院

後花園後面這些屋, 已經清拆後再起好, 但仍有些鐵絲網圍住, 每星期堆垃圾出街, 就會很不方便. 今次好彩有6號仔這家幫手.

2011年12月7日 星期三

聖誕郵包

今日寄左個聖誕郵包回香港, 郵費好貴, 真係唔值, 不過一年一度, 算啦.

2011年12月5日 星期一

無奈

有得必有失, 有失必有得, 人生就是這樣, 定是你做成呢? 無奈, 真的很無奈....

2011年12月4日 星期日

就快暈低

今日去左超市買野, 排長龍, 好焗, 我感覺暈暈地, 就快要暉低, 好彩平安大吉, 能步行回家.

2011年12月3日 星期六

步行

天氣開始凍, 又有少少雨, 我步行去了火車站(station).aanvragen ov-kaart.係呀, 由現在開始坐巴士火車都用相同的咭, 好類似香港八達通.

之後就係四處走走, 買吓東西, 就回家了. 步行都係好健康的運動.

2011年12月2日 星期五

新發現

一直以為是廣告垃圾信, 掉完一封又一封, 今日才知掉左些錢出街, 被你知道我咁蠢, 你一定搖頭嘆息, 也能想像到你的表情會是點樣, 哈. 你咪鬧我呀, 係你之前無話我知.

2011年11月30日 星期三

見家長

一年一度家長日, 我在學校呆呆坐了個半鐘.

tien minuten gesprek voor een kid, jij heb vijf kinderen.

2011年11月29日 星期二

發夢

夢見你有第二個, 我好嬲, 鬧你鬧到成個醒晒, 才知是發夢.
嗱, 你咪亂來呀.

2011年11月28日 星期一

未好返

今日仍是病病地,早上起床時已經是中午, 好在今日係星期日不用早起.

2011年11月27日 星期日

病左

全家都病了, 又是傷風感冒, 學你之前教落的, 切些生洋蔥放在房裏殺菌.
好慘, 無你煲檸檬可樂給我飲.

2011年11月26日 星期六

發覺家中好嘈, 週六週日沒有一刻的寧靜.

2011年11月25日 星期五

自言自語

不知何時開始, 我有自言自語的習慣, 沉醉於自己的世界裏, 我思我想, 任意網為.

如果别人看到, 一定以為我痴左線. 你是否又認為我痴痴地呢?

2011年11月24日 星期四

passpoor

今日終於取了新的護照(passpoor), 好貴, 收左我52歐元.

2011年11月23日 星期三

有些人好煩, 問題多多, 關佢咩事喎!

2011年11月22日 星期二

受氣

受左你家人許多氣, 無從發洩, 就快忍到爆.

2011年11月21日 星期一

無聊的一天

今日好無聊, 上午做了奶皇包, 諗住做午餐, 點知個粉糰發唔起, 可能天氣凍掛, 蒸出來好硬, 無晒心機. 下午無所事事, 諗住上網睇戲, 點知攪左個半鐘頭都無得睇, 好悶呀!

2011年11月20日 星期日

sinterklaas

今年一家人去左bazelear參加sinterklaas節, 今年無去年這麼多活動, 所以好快就回家了, 有點失望.

2011年11月19日 星期六

oven

今日去街時見到有個焗爐特價, 心思思想買回家, 可是沒有你幫手, 很不方便. 最後都係無買.
心想, 如果我買了, 你會不會又話我亂花錢呢.

2011年11月18日 星期五

按時工作

日日都好似有個時間表在腦中, 按照時間做我要做的事, 沒有你的日子, 我真的忙也.

2011年11月17日 星期四

gemeete

今日去左市政廳辦新的passpoor, 因為舊的這本就快到期, 12月是風雪天, 所以想早點辦好佢, 職員話下個星期有得攞. 希望順順利利啦.

2011年11月16日 星期三

ROC

今日去左ROC上學, 今次個阿SIR比上次個女人勤力好多, 我都算學到野.

2011年11月15日 星期二

大鄉里出城

今日自己一個人去左中國雜貨店買野, 這個地方, 我和你以前時常去的, 現在只得我一個人坐火車去, 你仍記得這個地方嗎? 是那個城市的東方行呀? 我係咪好叻呢.

2011年11月14日 星期一

留在家

星期日静靜留在家, 過我的平淡日子.

2011年11月13日 星期日

星期六11/11

星期六, 一家人去左商場, 又去街市, 又去肯得基(kfc).

2011年11月12日 星期六

一年

你離開左我已經有一年, 仍記得我嗎?

2011年11月11日 星期五

上學日

今日又係星期四, 我上學的日子, 發現自己說話多了.

2011年11月10日 星期四

一個人做兩份野, 忙, 忙, 忙.

忙都無所謂, 但一個人又不能兩面走.

做唔點, 感到超煩.

2011年11月9日 星期三

嘈音

家中有許多嘈雜聲, 好煩, 好討厭.

2011年11月8日 星期二

家庭醫生

今日去左家庭醫生這裡, 做身體檢查, 想起當年有你在身邊真係好. 可惜現在要自己獨力面對.

2011年11月7日 星期一

星期日

星期日你多數不在家, 就係去左你至愛去的地方, 今日有收獲嗎.?

2011年11月6日 星期日

睡不了

晚上很累很累,早點上床睡, 可是眼光光, 又想起你, 睡不了.

2011年11月5日 星期六

蟻民

我就像螞蟻一樣, 日日囤糧, 準備過冬.

2011年11月4日 星期五

窮人和富人

窮人的我, 與富人一起時, 總是很吃力, 一起夾份出錢時, 我就會好心痛.慳慳埋埋得個吉.
點解你有這麼富裕的親人, 我又是這麼窮呢!

2011年11月3日 星期四

情緒化

想起你的從前種種, 不知不覺地笑了出來. 喜怒哀樂全因為你, 你依然影響著我的生活.

2011年11月2日 星期三

買鞋

今朝走左去買鞋, 行了很多間鞋舖, 終於買到一對, 半價成交.

2011年11月1日 星期二

看在你份上

人請和債一樣都係要還, 就當我為了你, 幫你做吧.

2011年10月31日 星期一

無想過

由頭到尾都無想過, 你會這麼快就離開我. 對我來說, 一切來得太快, 全無心理準備, 所以接受不了.

2011年10月30日 星期日

好夢

日有所思, 夜有所夢, 又夢見你, 抱住你, 攬住你, 吻著你, 對你說著情話, 這夢令我回味.

我想, 可以夢想成真就好了.

發覺自己仍然好愛你, 嬲你不遲而別, 愛你是真的.

2011年10月29日 星期六

幻想

如果你仍舊在我身邊, 我是否又要過以往的日子呢!

2011年10月28日 星期五

肯德基

今日一家人去左肯德基食雞翼, 好熱氣的一餐.

2011年10月27日 星期四

衣利沙伯醫院

今日去了醫院, 回想起我們在醫院時的日子.

2011年10月26日 星期三

嬲完

今日平静了很多, 希望明日不會又被人氣親.

2011年10月25日 星期二

嬲嬲地

今日比人激親, 全因為你, 我這麼愛你, 點解我只落得這樣的收場.

我唔信別人一世比我好彩.

2011年10月24日 星期一

踢波

今日係星期日, 一家人去踢波, family day.

2011年10月23日 星期日

想通了

今日探完你之後, 突然想通了.

我痛, 你是不會安慰我的.

我應當愛惜自己,不要給自己傷痛流淚.

2011年10月21日 星期五

高談闊讑

今日回到學校(CBV), 和老師同學分享我在家的煩惱事, 心中煩惱一掃而空.

2011年10月20日 星期四

天都光晒

維修工程終於忙完, 麻煩事走晒.

2011年10月19日 星期三

怒氣

無端端家中出現, 這裏壞, 那裏壞, 要打電話找人整, 又要在家等了一天, 仍然未維修好, 煩呀...

2011年10月18日 星期二

平靜過日子

今日心情平靜, 渡過了一天.

2011年10月17日 星期一

在家千日好

知道你回來了, 心裏很高興.

2011年10月16日 星期日

胃痛

最近發覺自己每次食完飯之後, 都會胃痛.

 我是否應該要去看醫生呢?

2011年10月15日 星期六

滿肚怨氣無從發洩.有話向誰說呢!

2011年10月14日 星期五

慶幸天無絶人之路.

感謝主的帶領渡過痛苦的時刻.

2011年10月13日 星期四

毛毛細雨

今日整天毛毛細雨, 出門十分之不方便.

2011年10月12日 星期三

一點點痛

被人問及你時, 我的心有一點點痛.

2011年10月11日 星期二

今日

你今日在家嗎?

2011年10月10日 星期一

嘗試

嘗試學習獨立.

2011年10月9日 星期日

仍記得嗎

仍記得今日是甚麼日子嗎?

五年前的今日, 我們做了一件軍動成條街的事.

左鄰右里無人不知.

三部十字車, 二部醫護車, 到我們家.

到現在想起來都又好笑又好驚.

2011年10月8日 星期六

掉左

sorry, 今日掉左你許多東西.

2011年10月7日 星期五

真心

我本真心對明月, 誰料明月照溝渠.

你知嗎? 我的心很痛.

2011年10月6日 星期四

忘不了

有些事, 總是記憶尤新, 忘不了.

2011年10月5日 星期三

心痛

今日突然有心痛之感, 食之無味.

2011年10月4日 星期二

學了

跟了你這麼多年, 你教曉了我生活之道.

2011年10月3日 星期一

過客

你就像是我生命中的一個過客.

2011年10月2日 星期日

三年

答應自己, 給自己三年時間, 去傷去痛.

2011年10月1日 星期六

心中有條刺, 被人踫了, 就會有刺痛感.

2011年9月30日 星期五

沉默

沉默中, 不想說話, 不願說話.

2011年9月29日 星期四

近日來, 晚晚都看到窗外的一夥星星.

2011年9月28日 星期三

如夢初醒

如夢初醒, 學識繼續過我的人生.

2011年9月27日 星期二

背痛

今早起來, 背部好痛.

是感冒的開始, 定是昨晚睡得不好呢?

2011年9月26日 星期一

一聲

咋聽一聲, 很像是你的聲音, 是你嗎?

2011年9月25日 星期日

微笑

想起你, 你令我會心微笑.

2011年9月24日 星期六

印象

因為你的長處和短處, 令我印象深刻, 沒法忘懷.

2011年9月23日 星期五

開門

每次聽到開門聲, 都以為你回來了, 可是入門的不是你...............

2011年9月22日 星期四

怨言

別人比我好彩, 別人比我幸運, 別人比我幸福.

我唔明點解, 我怨言多多, 我唔明, 我永遠都唔明.

2011年9月21日 星期三

過日子

我仍是按照舊日軌跡過生活, 我沒有勇氣面對沒有你的日子.

2011年9月20日 星期二

恩怨情仇

恩恩怨怨, 糾纏不清.

2011年9月19日 星期一

暖在心

今日收到老豆來電, 暖在心頭, 多了一股暖流.

2011年9月18日 星期日

發夢, 被你拒絶的感覺很難受.

2011年9月17日 星期六

又係佢, 氣死我喇.

可不可以給我安安靜靜過日子呢!

2011年9月16日 星期五

病左

又病左, 整個下午睡在大廳, 大昏迷.

2011年9月15日 星期四

全日企係到, 有做不完的工作.

2011年9月14日 星期三

探訪

又走去探你, 說說家事,

明知你不會回答我, 但我仍想說, 亦知你心裏的答案.

你思你想, 我早就知道.

2011年9月13日 星期二

中秋許願

望住又大又圓的月光, 許了一個願.

2011年9月12日 星期一

一刻沖動

今日有一刻沖動, 想寫信給你, 問候你, 好想知你的近況如何.

2011年9月11日 星期日

超忙, 全日未停過, 越做越多野做.

2011年9月10日 星期六

不想見的人

今日見到個不想見的人, 不想見, 仍要見, 佢令我想起從前的種種.

2011年9月9日 星期五

無奈

今日做左件不想做但又一定要做的事, 好無奈.

2011年9月8日 星期四

海闊天空


騎著單車四圍走, 感覺是海闊天空任我行, 喜歡這種感覺!



2011年9月6日 星期二

記憶



活在記憶中, 想起你.

你的好, 你的不是.

你令我哭過, 笑過, 又傷心過.

個人感想

個人感想, 由現在開始, 寫出我的心聲.